Why Ásgeir Jónsson?

Mér finnst koma úr hörðustu átt að sjá Ásgeir setja sig spor hlutlauss fræðimanns og greinanda í hverju viðtalinu á fætur öðru. Hann segir núna að bankarnir hafi verið dauðadæmdir en samt sem áður hélt hann áfram blekkingarleiknum af fullum krafti í boði Sigurðar Einarssonar út árið 2008. Ekki var hægt að heyra annað á honum þá en að hér væri allt í lukkunnar velstandi.

Í þessum viðtölum sem Ásgeir hefur veitt núna út af bókinni, hvort sem er í Speglinum eða á prenti, bullukollast hann og fréttamenn skrúfa frá krananum í stað þess að spyrja gagnrýninna spurninga. Bara til að nefna eitt talar Ásgeir um að þorskstofninn hafi hrunið 1988 og nefnir það sem dæmi um upphafið að ógæfu þjóðarinnar. Staðreyndin er hins vegar sú að veiðin gekk ágætlega 1988, var í kringum 380.000 tonn, sem sagt vel ríflega tvöfalt meiri en þau 150.000 sem leyft er að veiða nú.

Ásgeir hefur á umliðnum árum verið iðinn við að senda frá sér kenningar um byggðaþróun þar sem hann yfirfærir þróun byggða í stóru löndunum yfir á litla Ísland þar sem aðalútflutningstekjurnar hafa verið fiskurinn í sjónum. Niðurstöður Ásgeirs af þessum vangaveltum hafa verið að þróun byggðar á Siglufirði hafi átt undir högg að sækja, að vegna minna mikilvægra sjóflutninga hafi aðrir bæir blómstrað, s.s. Borgarnes og Sauðárkrókur.

Hverjum sem veltir þessu fyrir sér og þekkir eitthvað til atvinnuhátta á Siglufirði er strax ljóst að þetta er gapandi rugl þar sem síldveiðar og þróun annarra fiskveiða hafa augljóslega haft mest áhrif á þróun byggðar á Sigló.

Why Ásgeir?

Athugasemdir

[Pokamaður (IP-tala skráð) 28.7.2009 kl. 10:32]

Manni datt nú helst í hug frægt "komment" Megasar þegar ráðherrasonurinn birtist í fjölmiðlum með bókina sína: "Afsakið meðan ég æli".

[Haraldur Baldursson, 28.7.2009 kl. 12:14]

Bók Ásgeirs væri trúverðugri ef hann sem Forstöðumaður óháðrar greiningadeildar hefði tjáð sig um stöðuna fyrir hrun.

[Guðrún Hlín (IP-tala skráð) 28.7.2009 kl. 13:45]

Þetta er Ísland í dag. Kveðja til þín úr BJARMA.

[Einar Guðjónsson, 28.7.2009 kl. 14:20]

Vekur auðvitað miklar spurningar um gæði háskólanáms í Hagfræði á Íslandi.Að hann skyldi ná prófi og svo fór hann að svindla á almenningi í

vinnu sinni hjá Kaupthingi.Svo missti hann ekki vinnuna við hrunið og fékk eftirgefið kúlúlán.Hélt vinnunni vegna tengsla við VG banka ( sonur eins af eigendum hans) og sennilega skrifað bókina í vinnutímanum á meðan aðrir atvinnulausir verða að sætta sig við minni bætur.Hann er auðvitað siðblindur fyrst hann áttar sig ekki á þessu sjálfur.Um leið sýnir þetta  spillinguna í hnotskurn sem ekkert er verið að taka á.

[Hildur Helga Sigurðardóttir, 28.7.2009 kl. 15:16]

Fyrir mér er Ásgeir þessi eitt af ljóslifandi andlitum hins gargandi "góðæris", enda var maðurinn látlaust í fjölmiðlum að "greina" snilldina fyrir gapandi þjóð.

[Þráinn Kristinsson (IP-tala skráð) 28.7.2009 kl. 15:47]

Why? In his defence - because he is guilty of aiding and abetting a crime committed by Sigurður Einarsson og Heiðar Már.

[Guðmundur Jónsson, 28.7.2009 kl. 19:32]

Getur hvað óviti sem er gefið út bók í dag?

[Magnús V. Skúlason, 28.7.2009 kl. 23:59]

Það má svo sem alveg skoða þetta í víðara samhengi og vekja athygli á því að tjéður Ásgeir er einmitt sonur Jóns Bjarnasonar, núverandi sjávar- og landbúnaðarráðherra.

[Hildur Helga Sigurðardóttir, 31.7.2009 kl. 03:19]

Sé ekki að það skipti höfuðmáli.