Leita í fréttum mbl.is

Að ljúga getur haft sín eftirköst

Háskólastúdentar eru reiðir út í stjórnvöld fyrir það að  koma lítið sem ekkert á móts við skert kjör þeirra.  Óánægja stúdenta er að mörgu leyti mjög skiljanleg, þar sem menntamálaráðherra Katrín Jakobsdóttir og í raun fjórflokkurinn allur, fór mikinn í gylliboðum fyrir sl. kosningar.  Fyrir kosningar boðaði fjórflokkurinn allur sem einn að ekki mætti skera af eina einustu krónu í menntakerfinu, frekar bæta í.

Námsmönnum fannst ljúft að heyra það - en hverjar urðu efndirnar?

Frjálslyndi flokkurinn benti margoft á að ef ekki ætti að fara illa fyrir rekstir þjóðarbúsins þá yrði að fara í mikla tekjuöflun, stórauka fiskveiðar og taka upp samninga um erlend lán.

 


mbl.is Fjölgar á Austurvelli
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Anna Sigríður Guðmundsdóttir

Já þú segir nokkuð. Kannski falsið og lygin hafi verið svo mikil að engan óraði fyrir hversu slæmt ástandið var. Ég persónulega vissi ekki að ástandið væri svona slæmt.

Vissi það einhver?

Hvernig var fréttaflutningur ríkisfjölmiðlanna?

Býst við að núverandi ríkisstjórn hafi ekki fengið að vita það áður en hún bauð sig fram og tók við vandanum.

Hver er þá sekur? 

Á að ásaka núverandi stjórn fyrir þau hræðilegu afglöp og svik í ríkisfréttaflutningi sem var látið viðgangast. Hvað getur þú vitað ef hefur verið logið að þér endalaust af ríkisfjölmiðlum þessa lands ?

Ekki  nóg með lygina í ríkisfjölmiðlunum heldur eru landsmenn skyldaðir til að borga nefskatt fyrir lygina. Er hægt að svíkja mikið meira í akkúrat þessum málum?

Ég bara spyr því ég vissi ekki að þetta hefði verið svona slæmt eins og komið hefur í ljós núna. 

Anna Sigríður Guðmundsdóttir, 11.6.2009 kl. 20:30

2 Smámynd: Jóhann Elíasson

Ég er nú á því að núverandi stjórnarflokkar hafi ALVEG vitað hvernig staðan var, áður en farið var í kosningarnar, er fólk kannski búið að GLEYMA hverjir voru í "minnihlutastjórn" í 80 daga fyrir kosningar?  Kannski hefðu heilög Jóhanna og Steingrímur Joð átt að láta þig vita hversu ástandið var slæmt Anna svo þú færir EKKI að kjósa þau til áframhaldandi stjórnarsetu?

Jóhann Elíasson, 11.6.2009 kl. 21:06

3 Smámynd: Sigurjón Þórðarson

Anna Sigríður, það kom fram í öllum helstu fjölmiðlum landsins að það stefndi í 170 milljarða halla á fjárlögum þessa árs.  Allir ábyrgir stjórnmálamenn áttu að vita að það væri ekki hægt að lofa og lofa fjárframlögum úr á galtóman ríkissjóð til atvinnuuppbyggingar, velferðakerfisins og menntamála.  Ég minnist þess að Sigmundur
Davíð fór t.d. mikinn á umræddum fundi í Háskólabíói og það var engu líkara en að það drypi gull af hverju strái.

Það er ekki hægt að sakast við fjölmiðlana að hafa ekki greint frá tölulegum staðreyndum heldur að hafa ekki sett hlutina í samhengi og hafa í raun ekki gert enn.  Frjálslyndi flokkurinn var eini flokkurinn sem lagði til raunhæfar lausnir þ.e. að auka framleiðsluna í samfélaginu en það var engu líkara en að það væri eitur í beinum fjölmiðlunga s.s Egils Helga að ræða þær - kannski vegna þess að þær snéru að undirstöðu atvinnugrein landsmanna.

Sigurjón Þórðarson, 11.6.2009 kl. 21:41

4 Smámynd: Helga Þórðardóttir

Var á umræddum fundi í Háskólabíói  og það var skelfilegt að hlusta á loforðabullið í stjórnmálamönnunum. Manni leið hreint út sagt ömurlega og spurði sig jafnframt hvernig menn gætu logið svona. Ég var allavega búin að gera mér grein fyrir erfiðri stöðu þjóðarbúsins og það áttu stjórnmálamennirnir lika að gera. Ég man sérstaklega eftir orðum þínum þegar þú sagðir að Frjálslyndi flokkurinn vildi segja fólki sannleikann og að við yrðum að endurmeta allt þjóðfélagið upp á nýtt. Það er greinilega ekki vinsælt að segja satt fyrir kosningar.

Helga Þórðardóttir, 11.6.2009 kl. 23:41

5 Smámynd: Árni Gunnarsson

Í stuttu máli sagt þá hef ég ekki ennþá komið auga á neitt sem hefur staðist af kosningaloforðum þessarar ríkisstjórnar. Það er reyndar svo algengt á Íslandi að engir aðrir en bláeygustu flón trúa orðum pólitíkusa í dag hvað þá loforðum.

Man nokkur í dag eftir stjórnmálamanni sem lofaði þjóð sinni blóði, svita og tárum? Hann varð átrúnaðargoð sinnar þjóðar og er í hópi mikilmenna sögunnar á tuttugustu öld.

Íslenskir pólitíkusar eru gungur og þeirra einkenni er innantómt bull og mannalæti. Þjóðin veit það og hlær að þeim.

Árni Gunnarsson, 12.6.2009 kl. 00:25

6 Smámynd: Vilhjálmur Sveinn Björnsson

Tek undir með að leita samninga við erlenda kröfuhafa skil ekki þetta með ríkisstjórnina:  ICESAVE séu bestu kjörin

Held ekki!!

Vilhjálmur Sveinn Björnsson, 12.6.2009 kl. 21:57

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband