Óhreinu mótmælin hennar Bjargar Evu

Ég var að fletta í gegnum vinstri græna vefritið Smuguna og sé að þar er greinilega mikill stuðningur við allar aðgerðir mótmælenda, nánast hverju sem tekið er upp á, hvort sem það eru rúðubrot eða eldar kveiktir. Ég fór að rifja upp að ýmsir, s.s. Grímur Atlason og gott ef ekki Björg Eva sjálf, höfðu ekki nokkurn skilning á undanfara þessara mótmæla sem kom fram hjá vörubílstjórum á vormánuðum 2008. Þeir voru uppnefndir plebbar, smáborgarar og ég veit ekki hvað af sömu aðilum og hvetja nú til mótmæla.

Vörubílstjórar og aðrir minni atvinnurekendur voru örugglega þeir sem efnahagskreppan skall fyrst á og svo bættist við minni velta. Margir voru með myntkörfulán, olíuverð var gríðarlega hátt, gengi íslensku krónunnar hríðféll og þeir höfðu lengi búið við skilningsleysi stjórnvalda. Sömuleiðis kepptu vörubílstjórar á ýmsum sviðum við stórfyrirtæki sem réðu yfir gríðarlegu lánsfé.

Mótmæli vörubílstjóranna féllu í grýttan jarðveg. Ekki er heldur sýnilegur stuðningur úr þessum hópi við baráttu sjómanna gegn mannréttindabrotum á þeim.

Athugasemdir

[Þorkell Sigurjónsson, 21.1.2009 kl. 15:51]

Ágæti Sigurjón, áttu eitthvað  bágt í viðhorfum þínum?

Til þess að ná fram einhverjum breytingum  til bóta fyrir vörubílstjór, sjómenn og alla alþýðu þessa lands er að ríkisstjórnin víki.   

[Sigurjón Þórðarson, 21.1.2009 kl. 16:15]

Þorkell Sigurjónsson, ég átta mig ekki fyllilega á þessari athugasemd þinni. 

Ég er sammála þér að það sé löngu tímabært að ríkisstjórnin fari frá völdum en hún er algerlega getulaus og er helst í þeim verkum að komast undan eigin ábyrgð á hruninu. 

[Gunnar Þór Ólafsson, 21.1.2009 kl. 16:48]

Já Sigurjón.

Manni fannst oft hálf kaldranalegt að vinstri vængurinn sem allt þykist vita og bera hag litla mannsins fyrir brjósti skyldi veitast að þeim sem voru að mótmæla álögum ríkisins á elsneytn,og umræðan fór jafnvel út í þá sálma að kalla okkur lúsera og þaðan af verra,þá fannst manni lítið leggjast fyrir VG aðalinn .

Einnig eru VG alveg andlausir þegar kemur að umræðunni um mannréttindabrot hér innanlands en standa svo á öndinni yfir mannréttindabrotum erlendis,ætli það sé á flottari standard?

Raunin er sú að eldsneyti er nú skattlagðari en nokkru sinni.

Baráttu kveðja

[Anna Benkovic Mikaelsdóttir, 21.1.2009 kl. 18:04]

Takk fyrir að benda mér á "smuguna"...það er margt athyglisvert þar!  Er búin að bókamerkja það!

[Dunni, 21.1.2009 kl. 20:43]

Þetta er mjög athyglisverð ábending.  Einhvern veginn held ég að Smugan hafi svo sem ekkert haft á móti vörubílstjórunum.  Þeir voru bara fyrstir fram á völlinn af þeirri ástæðu sem þú greinir frá. Þeir lentu fyrstir fyrir barðinu á hruninu.

Ég studdi reyndar verkfall vörubílstjórana hérna frá stólnum mínu í stofunni í Noregi.  Hins vegar held ég að foringi þeirra hafi ekki allataf valið bestu meðulin þegar hann vildi koma boðskap sínum á framfæri.  Það var vitlaust af honum að trufla almenning á leið til vinnu og nánast heimskt að trufla sama fólkið þegar það var á heimleið frá vinnu.

Nær hefði verið að planta öllum vörubílaflotanum fyrir utan heimili ráðamanna þannig að þeir kæmust ekki heim eftir slælega framgöngu í vinnunni. Þeir hefðu líka getað flutt gröfur sínar og traktora og lagt fyrir utan stjórnarráðið og Arnarhvol.  Þá hefðu þeir fengið samúð almennings og kanski Evu Hauksdóttur líka.

[judas (IP-tala skráð) 21.1.2009 kl. 22:57]

Það eru ekki bara "óhrein" mótmæli sem fara í taugarnar á vinstri mönnum, heldur óhreinar skoðanir, óhreinar bókmentir, óhrein myndlist...óhreinn peningur(einkaframtak) og óhreinir verkamenn, vinstri menn hafa aldrei verið hrifnir að mismunandi viðhorfum og fjölbreytileika, hálfgerðir skoðana-rasistar.

[Eyjólfur Guðmundsson (IP-tala skráð) 22.1.2009 kl. 09:04]

Það er bara ekki sama "hverjir" mótmæla í augum vinstra fólks.  Vinstra fólk telur sig ævinlega hafa einkarétt á sannleikanum og að auki eru þeirra álit alltaf það rétta. 

Komi til þess að vinstristjórn verði mynduð í staðinn fyrir núverandi ríkisstjórn, munu öll mótmæli hætta, jafnvel þó að slík stjórn yrði afleit og kæmu engu góðu til leiðar og klúðraði gjörsamlega efnahag þjóðarinnar.  En "þjóðin" yrði samt glöð.  Hennar stjórn, vinstristjórn, væru þó við völd og það eitt myndi gera það að verkum að vinstraliðinu liði strax betur.

[María Kristjánsdóttir, 22.1.2009 kl. 11:51]

Af hverju ertu með þessi ósannindi Sigurjón. Komdu með dæmi?

[Sigurjón Þórðarson, 22.1.2009 kl. 12:45]

Hvað er ósatt í þessari færslu?

[Guðrún María Óskarsdóttir., 23.1.2009 kl. 01:15]

Því miður Sigurjón hefur þú alveg rétt fyrir þér í þessu efni eins og svo oft áður.

þetta heitir að kryfja málin.

kv.Guðrún María.