Leita í fréttum mbl.is

Það hefur aldrei þótt sæmandi að sparka í liggjandi mann, en nú verður Geir að fá spark

Geir Haarde hefur komið öllu á kaldan klaka í þjóðfélaginu, það er deginum ljósara, og neitar nú að leita allra leiða við að koma okkur út úr kafaldinu, t.d. með því að auka þorskveiðikvótann. Frjálslyndi flokkurinn hefur lagt til að veiðiheimildir verði innkallaðar, þær auknar og þeim úthlutað aftur af meira réttlæti í samræmi við úrskurð mannréttindanefndar Sameinuðu þjóðanna. Nú ætti að vera lag þar sem ríkisbankarnir hafa meira og minna fastatök á öllum veiðiheimildunum sem hafa verið veðsettar samkvæmt kerfi sem Geir hefur búið til, margfalt umfram nokkur skynsamleg mörk.

Geir sem er hálfbugaður þessa dagana enda þarf hann að horfast í augu við eigin verk mætti á fund LÍÚ og virðist hafa ætlað að sækja sér einhvern kraft með því að tala upp í eyrun á LÍÚ eins og Ingibjörg Sólrún gerði 2005. Á þessum fundi sagði Geir að það væri fullkomlega óábyrgt tal að breyta aflaúthlutun vegna ástandsins í samfélaginu.

Hver bjó til þetta ástand? Hver bjó til þetta óréttláta kerfi?

Til að bæta gráu ofan á svart hefur hann leynt þjóðina upplýsingum en upplýst ráðamenn annarra þjóða. Hvernig getum við treyst upplýsingum sem koma úr forsætisráðuneytinu úr þessu?


mbl.is Geir aðvaraði Brown í apríl
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Árni Gunnarsson

Það sem meira er. Þetta á að vera hverjum manni augljóst. Nú ríður á að allir geri skyldu sína og þessi volaða ríkisstjórn á að sýna af sér þann manndóm að byggja upp raunverulegan hagvöxt. Til þess þarf hún fyrst að skilja að þetta samfélag er byggt upp af mörgum einingum. Hvert byggðarlag er sjálfstæð eining og aldrei hefur verið brýnna en nú að byggja þar upp sjálfstæða þróun atvinnulífs með hátt atvinnustig og verðmætasköpun. Þar bjóða sjávarbyggðirnar upp á ódýrustu lausnina sem er fólgin í leyfi til að nýta elstu sjálfbæru auðlindina og með minnsta kostnaðinum, þ.e. atvinnutækin -bátarnir- eru á staðnum og olíueyðslan er lítið brot af því sem stærri fiskiskipin nota. Fasteignaverð myndi hækka að mun því búseta verður eftirsótt á þessum stöðum. Ekkert, ekkert mælir gegn þessari lausn annað en pólitísk hagsmunaleg spilling sem er landlæg undir stjórn Sjálfstæðisflokks og Framsóknar og nú síðast einnig Samfylkingar og Vinstri grænna. Síðastnefndi flokkurinn er orðinn mér óskiljanleg pólitísk þraut í vitsmunalegu samhengi. 

Mér verður lengi minnistætt þegar ég hitti þig á öðru ári þínu á Alþingi og þú sagðir mér að þú hefðir tekið þér nokkurra vikna frí. Ég spurði þig um ástæðuna; "Ég þurfti að sinna verkefnum sem sem tengdust mínu fyrra starfi og tók mér mánaðar frí. Svo þurfti ég bara að fá mér friskt loft eftir að hafa kynnst þessum vinnubrögðum á Alþingi. Ég hefði aldrei trúað að þarna væri svona margt ómerkilegt fólk."

Líklega hef ég núna brotið trúnað og ef svo er biðst ég afsökunar. En þú hækkaðir mikið í áliti hjá mér þarna og þessum fundi okkar mun ég seint gleyma.

Árni Gunnarsson, 1.11.2008 kl. 22:35

2 Smámynd: Jón Valur Jensson

Já, Sigurjón, á sama hátt og Ingibjörg Sólrún er farin að ástunda galdra (sjá skondna þingfrétt Mbl.), er Geir orðinn ramm-hjátrúarfullur, hann er Hafrótrúar, maðurinn, og væri honum nær að leggja áherzlu á íslenzkan hafragraut, hvalspik og hvalket á þessum síðustu og verstu heldur en að veitast að sjómönnum og útgerð í landinu. Ég var einmitt að birta ádrepu, Nei, nei, ekki minnsta tilefni til að hjálpa þessari þjóð, segir Hafró!!!, þar sem ég steypi mér yfir þessa óþurftarstofnun, sem takmarkaðir stjórnmálamenn, sem hafa ekki tíma né kannski vit til að kynna sér málin, hafa í makalausri einfeldni tekið fullkomna áthorítetstrú á. Undantekningarnar eru menn eins og þú, Sigurjón, Magnús Þór Hafsteinsson og Grétar Mar Jónsson. Lesið grein mína!

Árni, ég er sammmála þér um veiðimálin og það serm nauðsynlegt er að gera fyrir sjávarbæjabyggðina og (í beinni andstöðu við þetta) þá "pólitísk(u), hagsmunaleg(u) spilling(u) sem er landlæg undir stjórn Sjálfstæðisflokks og Framsóknar og nú síðast einnig Samfylkingar og Vinstri grænna."

Jón Valur Jensson, 2.11.2008 kl. 02:30

3 Smámynd: Atli Hermannsson.

Ég skil ágætlega að Hafró skuli ekki mæla með aukningu. Hvaða rökum á stofnunin að beita fyrir sig... efnahagslegum?. Ekki sér Hafró meiri þorsk í gögnum sínum frá því í vor þó þeir flétti þeim fram á haust. Ef stofnunin vill láta taka sig alvarlega sem vísindastofnun þá hlýtur hún að vera sjálfri sér samkvæm. Hvort stofnunin er svo úti á túni (sem hún er) með sínar rannsóknir og ráðleggingar er svo annar handleggur og annað viðfangsefni.

Atli Hermannsson., 2.11.2008 kl. 10:50

4 Smámynd: Guðbjörn Guðbjörnsson

Atli: Sem oftar sammála þér. Við þyrftum hugsanlega að hittast og ræða saman!

Guðbjörn Guðbjörnsson, 2.11.2008 kl. 10:53

5 Smámynd: Skattborgari

Ríkistjórnin er vanhæf. Það er búið að koma fullt af aðvörunum og þeim hefur verið stungið undir stóla og ekkert gert með þær. Svo er sagt að allt sé í lagi. Eina spurningin í dag er hver verður kostnaðurinn þegar allt verður yfirstaðið og hvað á eftir að koma í ljós þegar þetta verður allt komið upp á yfirborðið ef gögnum verður ekki eytt.

Kveðja Skattborgari.

Skattborgari, 2.11.2008 kl. 16:30

6 identicon

Tek undir með þér Sigurjón.

Ulla (IP-tala skráð) 2.11.2008 kl. 17:18

7 Smámynd: Árni Gunnarsson

Afar lítið mun koma upp á yfirborðið Skattborgari. Ísland er lítið samfélag með náin tengsl milli fólks. Við eigum Oddfellow reglu, Frímúrarareglu, Rorary, Kiwanis, Lions og þess utan fleiri íþróttafélög en tölu verður á komið. Við eigum nokkur þúsund einstaklinga í stjórnsýslu og öðrum opinberum störfum og svona mætti lengi telja. Tölu þeirra einstaklinga sem eru félagar í öllu þessu áðurnefndu má svo margfalda með frændsemi, sifjatengslum og síðan gagnkvæmum vináttuböndum í allar áttir með hverskyns fyrirgreiðslu og vinargreiða á hinum ýmsu sviðum. Sú rannsókn og leit að vafasömum vinnubrögðum og/ eða refsiverðum mun verða tvíþætt.

Annars vegar verður hún leit að einhverjum sem draga þyrfti til ábyrgðar. Hins vegar leit að þeim sem forða skal við ábyrgð.

Hér er ég ekki að bregða þeim einstaklingum sem kvaddir hafa verið til þessa vandasama starfs um spillingu né óheiðarleika. Ekki siðblindu heldur því ég þekki ekkert ef þessu fólki. Ég hugsa aðeins til sjálfs mín. Ekki léti ég mér til hugar koma að ég væri fær um að takast þetta verkefni á hendur vegna kunnugleika míns á mörgum þeim einstaklingum sem annað hvort lenda í rannsókninni sjálfir eða einhverjir þeim tengdir. Eða einhverjir þeir sem mínir nánustu eru tengdir á einhvern hátt.

Og ég spyr: Treystið þið ykkur í þetta sjálf lesendur góðir?  

Árni Gunnarsson, 2.11.2008 kl. 17:31

8 Smámynd: Skattborgari

Árni. Þess vegna vil ég fá erlenda aðila til að rannsaka þetta því að Ísland er of lítið og allir þekkja alla sem þýðir að það er einginn sem getur rannsakað þetta 100% hlutlaust

Það mun einginn treysta skýrslu sem er unnin af innlendum aðilum nema stjórnvöld.

Kveðja Skattborgari.

Skattborgari, 2.11.2008 kl. 17:42

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband