Fréttablaðið: Stendur ekki á útúrsnúningum - bíða með leiðréttingar

Fréttablaðið hefur undir stjórn Þorsteins Pálssonar verið mjög andsnúið Frjálslynda flokknum og ritstjórn blaðsins hefur hvað eftir annað afvegaflutt málflutning flokksmanna. Það á sérstaklega við um viðkvæma en nauðsynlega umræðu sem snýr að útlendingum. Í vikunni var fullyrt að ég varaði sérstaklega við fréttaflutningi af málefnum flóttamannsins Pauls Ramses hér á bloggsíðunni.

Það er auðvitað ekki rétt eins og lesendur síðunnar vita. Það rétta í málinu var að ég nefndi í athugasemd eitthvað á þá leið að sagan segði að það væri rétt að vera gagnrýninn í fréttaflutningi. Það er umhugsunarvert að ekki stóð á því að Fréttablaðið sneri út úr skrifum mínum en þegar átti að koma að leiðréttingum bárust mér þau boð í tölvupósti frá blaðinu að leiðréttingin yrði birt um helgina en síðan kom í ljós að ekki var pláss í blaðinu og leiðréttingin verður ekki birt fyrr en einhvern tímann í næstu viku.

Athugasemdir

[Einar (IP-tala skráð) 11.7.2008 kl. 22:01]

Þetta eru ótrúleg vinnubrögð.

Síðan með þetta "fréttablað" að þeir neyða þessu (fríu) inn á nánast alla landsmenn, hvort sem þeim líkar betur eða verr. Ekki er nóg að hringja og biðja um að það sé ekki borið í hús, það kemur samt.

Eins og ég segi, eina sem ég nota þennan snepil í er kattasandurinn. Semsagt = skítasnepill.

Kv.

[Guðrún María Óskarsdóttir., 11.7.2008 kl. 23:48]

Sæll Sigurjón.

Við erum náttúrulega alltaf að gagnrýna mestu stjórnmálalegu mistök síðustu aldar, sem ritstjórinn ber ábyrgð á í ráðherratíð sinni.

kv.gmaria.

[Sigurður Þórðarson, 12.7.2008 kl. 00:10]

Það eru gömul siðaregla meðal siðaðra blaðamanna að birta leiðréttingar, ef þeir hafa haft rangt eftir eða  ómeðvitað afflutt mál.  Ef þeir vilja vera þeir lúðar að hundsa eða sniðganga þá reglu er eðlilegt að svara því með viðeigandi hætti: Skrifa stutta  en hnitmiðaða yfirlýsingu, sem byrjar og endar á gæsalöppum,  til birtingar í  öðrum fjölmiðlum.  Þannig er trúverðugleiki þeirra afhjúpaður þannig að þeir verða skaðminni ef þeir reyna að halda þessum hráskinnaleik áfram.

[Jóhann Kristjánsson, 12.7.2008 kl. 00:44]

Ég er sammála síðasta ræðumanni. Prufaðu að senda frá þér yfirlýsingu. Held að það væri jafnframt tilvalið að birta hana einnig á blogginu þínu.

[Sigurjón Þórðarson, 12.7.2008 kl. 13:02]

Það er greinilegt að Fréttablaðið er í vondum málum vegna þessa máls flóttamannsins frá Kenía og haldið er áfram án nokkurs hiks á gagnrýnislausru umfjöllun um málið. 

 Það stóð ekki á því að blaðið í morgun brygðist við sjónvarpsfrétt frá í gærkvöldi þar sem ættingjar flóttamannsins báru til baka eitt og annað í frásögn hans.  Það gerði blaðið með því að slá á þráðinn til flóttamannsins sem vísaði málflutningi ættingja sinna á bug. 

Eins og fyrri daginn var engin tilraun gerð til að sannreyna eða fá fram nýjan flöt á málinu.

[Jón Magnússon, 12.7.2008 kl. 16:18]

Þetta er tímabær  og góð athugasemd Sigurjón. Ég tengi afstöðu Fréttablaðsins ekki sérstaklega við ritstjórnartíð Þorsteins Pálssonar.  Hitt er annað að síðustu 2 ár  hefur fréttamennska blaðsins verið fremur bágborin. Iðulega eru blaðamennirnir frekar í pólitík en fréttamennsku. Nú síðast krossferðin gegn Útlendingastofnun vegna Paul Ramses.  Það er með ólíkindum að ritstjóri og blaðamenn Fréttablaðsins skuli ekki hafa haft svo lítið fyrir að afla grunnupplýsinga um það mál en fara beint  í pólitíska baráttu.

Grein Andrésar Magnússonar í Viðskiptablaðinu á fimmtudag var frábær. Þar gerði hann  góða grein fyrir því þegar blaða- og fréttamenn fara í pólitík í stað þess að afla og miðla fréttum eins og þeim ber að gera.

[Jóhann Kristjánsson, 12.7.2008 kl. 20:40]

Við nánari umhugsum á þessu, þá hlýtur blaðið að hafa "einungis pláss fyrir gamlar fréttir" og lætur þá nýju fréttirnar bíða þar til í vikunni á eftir.

Allavega hlýtur það að verða niðurstaðan samkvæmt þessum rökum blaðsins.

[LS (IP-tala skráð) 12.7.2008 kl. 21:12]

Það er mikill vinstrihalli á Fréttablaðinu auk þess að það tekur þátt með 24stundum að birta uppblásnar æsifréttir pólitísks réttrúnaðar.

LS.

[Guðrún Þóra Hjaltadóttir, 12.7.2008 kl. 23:02]

Því miður hefur fréttablaðið ekkert lagast undir stjórn Þorsteins Pálssonar. Það var samt smá von hjá mér alla vegana.