25% verðbólga - fjöldauppsagnir og Samfylkingin í Sýrlandi

Fólk sem nýbúið er að segja upp og horfir fram á vaxandi dýrtíð hlýtur að furða sig á áherslum Samfylkingarinnar þessa dagana en flokkurinn bauð kjósendum fyrir rétt rúmu ári síðan upp á ábyrgð, jafnvægi og framfarir í íslensku efnahagslífi.

Nú er það allt gleymt og áherslur flokksins eru  fyrir botni Miðausturlanda.  Sádí Arabar voru hér á ferðinni í vikunni og nú berast fréttir af leiðtoga "jafnaðarmanna" boða frið í Sýrlandi en hún hefur örugglega rétta svarið sem mun leysa áratuga deilur í heimshlutanum. Ætli leið hennar liggi ekki næst til Írans og síðan til Norður Kóreu og loki síðan túrnum á Ólympíuleikunum í Kína.

Hvar er Geir - ætli hann sé enn í útlöndum?

Er ekki kominn tími til fyrir þetta ágæta fólk og lenda og fara yfir þá möguleika sem eru í stöðunni s.s. að veiða meiri þorsk?

Verðbólga mælist 12,7%

Athugasemdir

[Rannveig H, 26.6.2008 kl. 09:46]

Öll okkar vandræði, að utanaðkomandi ástæðum seigir Geir,Ingibjörg seigir:jú það eru tímabundin vandæði en það sér það hver heilvita maður að það er ekki eins og smella fingri að laga það.Þetta er uppáhaldsetningin hennar og ekki viljum við vera hálfvitar og sjá þetta ekki. Hvað ætli Jóhönnu takist lengi að draga þetta lið áfram,og hvenær fær hún nóg.

[Sigurjón Þórðarson, 26.6.2008 kl. 09:58]

Já þú meinar það Rannveig að Ingibjörg sé að laga þessi utanaðkomandi vanræði með ferðalögum til Sýrlands, Ísrael Jórdaníu og Palestínu. Hún kemur á varanlegum friði - lækkar olíuverðið og kemur á stöðguleika.

[Gísli Magg (IP-tala skráð) 26.6.2008 kl. 11:04]

Það væri gaman að hitta þann stjórnmálamann eða heilan flokk sem stæði við það sem lofað væri,hef ekki orðið var við það í þann fimmta tug sem ég hef verið við lífi.Þetta er allt sama russlið sem er í stjórnmálum,lofar öllu fögru og gerir allt sem það getur til að kjafta sig út úr í eftir að það kemst að völdum.Af hverju heldur þú Sigurjón að þú sért ekki í trúðahúsinu við Austurvöll??Það er vegna þess að þú vildir hafa réttlætið að leiðarljósi. Það passar bara ekki í því húsi.

[Jón Valur Jensson, 26.6.2008 kl. 16:27]

Og Össur í Jemen! – nýkominn frá Qatar!

Og tókuð þið eftir því, að Ingibjörg vildi beita sínum miklu áhrifum í Sýrlandi til að sætta Hamas- og Fatah-hreyfingarnar! Blessaðir mennirnir þarna suður frá hljóta að vera yfir sig glaðir með þessa ráðagóðu gesti sem loksins fá nú langþráð tækifæri til að leysa þessi Mið-Austurlandavandamál í snarhasti.

[LS (IP-tala skráð) 26.6.2008 kl. 16:36]

LOL! ***Samfylkingin í Sýrlandi..***

Þetta er það fyndnasta sem ég hef heyrt alla vikuna.

LS.

[Sigurjón Þórðarson, 26.6.2008 kl. 22:21]

Mér finnst það nú ekki að ráðast harkalega á ISG með því að benda á stöðungan þvæling hennar um lönd araba á meðan verðbólga geisar, krónan skelfur og fólki er sagt upp í hrönnum.

Ætli hún sé ekki að boða mannréttindabætur í miðausturlöndum á sama tíma og hún blessar mannréttindabrot á íslenskum sjómönnum

[Geir (IP-tala skráð) 26.6.2008 kl. 22:52]

Merkilegt hvernig 12% verða allt í einu 25% gengurðu ekki heill til skógar?

[B.N. (IP-tala skráð) 26.6.2008 kl. 22:56]

Danir eru með sína dönsku krónu sem var okkar hér áður líka. Danir eru í Evrópubandalaginu og í stað þess að taka upp evru hafa þeir fast tengt krónunna sína við evrunna. Stýrivextir hjá Seðlabanka Evrópu er 4.0% í dag. Danir eru með vikmörk á sínum stýrivöxtum sem eru í 0.25% hærri en þeir eru í evrulöndunum á hverjum tíma. Stýrivextir eru því í Danmörk í dag 4.25% á meðan þeir eru á Íslandi 15.75% ef ég man rétt. Það er ekki krónunni að kenna hvernig komið er við höfum eytt miklu meira en aflað er það er stóra vandamálið því miður.

Baldvin Nielsen,Reykjanesbæ 

[B.N. (IP-tala skráð) 26.6.2008 kl. 23:03]

Það væri þarft verk fyrir Jóhönnu Sigurðardóttur félagsmálaráðherra þar sem tími hennar er kominn aftur að breytta því sem hún var mesti hvatamaður til, verðtrygginguna að hún sæi sig um hönd og afnæmi hana sem allra fyrst. Það má með nokkru réttu segja að þeir sem tóku lánin fyrir óþarfa og glingri geti sjálfum sér um kennt, en þau rök ná ekki til íbúðárhúsnæðis og í því tilfelli nær refsingin ekki bara til lántakendanna heldur líka til saklausra barna sen fylgja með út á götuna. Þegar lán hækka svo á tveimur mánuðum að þau gleypa í sig 3 ára niðurgreiðlu sömu lána þá fer að styttast í að fólk í slíkri stöðu þurfi á opinberi aðstoð eða framlagi inn í fjármál sín. Til samanburðar má geta þess að fjármagnseigendur sem lifa eingöngu af fjármagnstekjum sínum einum saman borga ekki krónu i útsvar í sinni heimabyggð. Mig undrar þegar slíkir flottræflar sperra stél og tala með vandlætingartón um fólkið sem liði í beltigarði félagsmálayfirvalda.

Baldvin Nielsen, Reykjanesbæ

[Sigurjón Þórðarson, 26.6.2008 kl. 23:05]

Geir prósentu samanburður getur verið margslunginn og það fer eftir því hvaða tímabil er borið saman.  Ef mið er tekið af verðlagi í júní 2007 og 2008 þá er hækkunin tæp 13% en ef verðlaghækkanir nú á síðustu 3 mánuðum verða jafn miklar út árið þá er verðbólgan 25%.  Það er því miður ekkert sem bendir til þess að það sé að draga úr verðbólgunni ef mið er tekið af gengisþróuninni og ég tala nú ekki um hvar ráðamenn beina kröftum sínum þ.e. í fjarlægum heimshlutum.

Í fréttinni segir: Undanfarna þrjá mánuði hefur vísitala neysluverðs hækkað um 5,8% sem jafngildir 25,1% verðbólgu á ári.

[B.N. (IP-tala skráð) 26.6.2008 kl. 23:20]

Sammála Sigurjóni. 

Ef verðbólgan er framreiknuð miðað við óbreyttar forsendur er hún miklu hærri en 25 % ef við lítum eitt ár fram í tíman er hún svona 50-60%.

Verðbólgan er góð mælistika til að sjá hvað samfélagið eyðir miklu meira en það aflar.

Baldvin Nielsen, Reykjanesbæ

[Sigurjón Þórðarson, 27.6.2008 kl. 14:54]

Nei það á auðvitað að leggja áherslu á íslenska hagsmuni en þeir liggja ekki í Sýrlandi Palestínu og hvað þá Írak.

Það væri miklu meira vit í að leggja áherslu á samskipti við nágranna þjóðir okkar á norðurslóðum.  Við erum 300 þús og höfum takmarkaða krafta og það er fráleitt að ætla að verja þeim í Íran Írak og Sýrlandi.