Yfir 90% Samfylkingarinnar hafna sjávarútvegsstefnu Ingibjargar Sólrúnar og LÍÚ

Það er af og frá að mikil sátt ríki um þá stefnu innan Samfylkingarinnar að hunsa álit mannréttindanefndar Sameinuðu þjóðanna og halda áfram að brjóta mannréttindi á sjómönnum eins og ekkert sé. Það gildir þá einu hvort Karl V. Matthíasson og Ingibjörg Sólrún Gísladóttir hafi blessað siðblint hrokasvar ríkisstjórnarinnar til mannréttindanefndar Sameinuðu þjóðanna svo ég noti þau orð sem prófessor Þorvaldur Gylfason gaf þessum skrifum.

Skoðanakönnun á vef Samfylkingarinnar sem búast má við að einkum sæki flokksmenn gefur til kynna að það sé veruleg óánægja með áframhaldandi mannréttindabrot stjórnvalda með fullum stuðningi "jafnaðarmanna".

Það mætti segja mér að frú Ingibjörg Sólrún Gísladóttir utanríkisráðherra hafi litlar áhyggjur af þessu máli enda hefur hún stærri mál á sinni könnu s.s. að friða Afganistan.

 

Sjávarútvegsráðherra hefur svarað mannréttindanefnd SÞ. Ertu ánægður með niðurstöðuna?

Já. Við höfum byggt upp þetta kerfi á löngum tíma og getum ekki farið að rústa því af því einhver nefnd úti í heimi gerir athugasemdir. Skoðum þetta svo í rólegheitunum: 0%



Bæði -- og. Málið er ekki lengur brýnt og lengra varð ekki komist að sinni. Breytingar gætu orðið eftir störf nefndarinnar sem á að sjá um endurskoðun kerfisins: 6%



Nei. Mannréttindi eru brotin og þá er ekkert svar að tala um vinnuhóp í langtímaverkefni. Vona að eitthvað komi út úr því starfi en þá verður líka að fylgja því almennilega eftir pólitískt 

Athugasemdir

[Þorsteinn Briem, 13.6.2008 kl. 16:23]

Sigurjón.

Fékkstu virkilega svona hrikalega lélega kennslu í aðferðafræði í líffræðinni í háskólanum?!

Við höfum ekki hugmynd um hverjir kjósa hér á bloggsíðum og öðrum síðum á Netinu, nema þær séu lokaðar öðrum en ákveðnum félagsmönnum. Þannig vitum við til dæmis engan veginn hverjir hafa "kosið" Eivöru núna hjá Jens Guði.

"Ingibjargar Sólrúnar og LÍÚ". Þú ert greinilega með Ingibjörgu Sólrúnu á heilanum. Hvað með aðra í Samfylkingunni og hvað með Sjálfstæðisflokkinn? Svarið var sent í nafni ríkisstjórnarinnar og í henni sitja sex ráðherrar Samfylkingarinnar og jafnmargir ráðherrar Sjálfstæðisflokksins, þar á meðal forsætisráðherrann, dómsmálaráðherrann, fjármálaráðherrann og sjávarútvegsráðherrann.

Sjálfstæðisflokkurinn ber ábyrgð á núgildandi kvótakerfi en ekki Samfylkingin, sem var stofnuð árið 2000 og hefur einungis setið í ríkisstjórn í eitt ár. Og Sjálfstæðisflokkurinn hefur verið varðhundur kvótakerfisins. Samfylkingin var ekki einu sinni til þegar Frjálslyndi flokkurinn var stofnaður árið 1998. En þú minnist ekki einu orði hér á Sjálfstæðisflokkinn, því þú ert með Ingibjörgu Sólrúnu á heilanum.

Þar að auki hefur álit Mannréttindanefndarinnar ekki verið hunsað, heldur verður núgildandi fiskveiðistjórnunarkerfi breytt, sem er aðalatriðið í málinu, en ekki einhverjar bætur sem enginn hefur efni á að greiða.

[Sigurjón Þórðarson, 13.6.2008 kl. 16:48]

Nei nei ég fékk mjög góða kennslu í aðferðafræði í HÍ - Ég tel þessa könnun vísbendingu um að almennir félaga í Samfylkingunni sem einkum heimsækja vefinn xs.is séu ekki sammála þingmönnum flokksins í að halda áfram mannréttindabrotum.

Ég hef einnig hitt nokkra stuðningsmenn Samfó fyrir norðan sem nefna það að fyrra bragði að þeir séu langt frá því að vera sáttir við þingmenn flokksins í þessu máli.

Það er aum staða hjá Samfylkingunni að vera nú að fóðra varðhund áframhaldandi mannréttindabrota og ég skil ekki hvernig Samfylkingarfólk og einlægir aðdáendur flokksins geti tekið þátt í að verja þá siðblindu.

[Þorsteinn Briem, 13.6.2008 kl. 17:10]

Einar.

Ingibjörg Sólrún hefur átt sæti á Alþingi og verið formaður Samylkingarinnar síðastliðin þrjú ár og utanríkisráðherra í eitt ár.

Og á árunum 1991-1994 sat hún á þingi fyrir Kvennalistann. Ætli það sé þá ekki orsökin fyrir öllu eineltinu sem Frjálslyndir leggja hana í?!

Það er alla vega verðugt viðfangsefni fyrir sálfræðinga að velta þessari geðveiki fyrir sér.

[Sigurjón Þórðarson, 13.6.2008 kl. 17:50]

Steini ég held Ingibjörgu Sólrún sé engin greiði gerður með því að telja að blessunin verði fyrir einhverju einelti af hendi fréttastöðvar 2 eða Frjálslynda flokksins og hvað þá að vera að blanda sálfræðingum og geðsjúkdómum inn í þessa umræðu.

Vandi Ingibjargar Sólrúnar og Karls Matthíassonar er að þau eru ekki að standa við þau fyrirheit sem þau gáfu fyrir síðustu kosningar.

[Sigurgeir Jónsson, 13.6.2008 kl. 17:53]

Landsamband Smábátaeigenda styður það kvótakerfi sem nú er viðhaft við stjórn fiskveiða.það var hnykkt á þeim stuðningi á Landsfundi síðastliðið haust.Á fundinum kom fram að menn töldu að ekki væri hægt að snúa til baka. Líú er því ekki eitt á báti, þótt mönnum sé tamt að gleyma LS.

[Hallgrímur Guðmundsson, 13.6.2008 kl. 17:55]

Flokkast það undir geðveiki að gagnrýna slælega unnin verk?

Er það svo að til dæmis Steini Briem álítur þingmenn og ráðherra Samfylkingarinnar yfir gagnrýni hafna? Þeir sem það gera eru verkefni sálfræðinga, alltaf lagast það maður.

Leiða má líkur að því að Samfylkingarfólk sæki heimasíðu flokksins fremur en til dæmis Vinstri grænir, einnig kæmi það ekki á óvart að þangað sækja hundónægðir íhaldsprelátar sem búnir eru að fá nóg af stefnu sinna manna.  

[Hallgrímur Guðmundsson, 13.6.2008 kl. 18:00]

Sæll Sigurgeir, LS gleymist ekki í það minnsta ekki á þessum bæ.

Það hefur engum dulist stefna LS og allt hjal um að ekkert sé hægt að gera er gjörsamlega út í bláinn. Þarna sitja menn greinilega og verja stólana sína með öllum ráðum, skítt með allt annað. 

[Þorsteinn Briem, 13.6.2008 kl. 19:02]

Hallgrímur.

Það flokkast örugglega undir geðveiki að vera með Samfylkinguna og Ingibjörgu Sólrúnu á heilanum. En það er svo sem óþarfi að eyða meira púðri á slíka rugludalla, sem enginn hefur áhuga á að eiga nokkur samskipti við í íslenskum stjórnmálum.

Frjálslyndi flokkurinn veit að sjálfsögðu að Sjálfstæðisflokkurinn, en ekki Samfylkingin, ber ábyrgð á kvótakerfinu og algjör óþarfi af mér að hamra á því, enda er engin lækning til við þessari geðveiki Frjálslynda flokksins.

[Sigurgeir Jónsson, 13.6.2008 kl. 19:40]

Ég hlustaði á Karl V.Matthíasson þingmann Samfylkingarinnar í morgun þar sem hann var í viðtali við Grétar Mar á Útvarp Sögu.Karl er varaformaður sjávarútvegsnefndar.Karl sagði að það væri einhugur í Samfylkingunni um stjórn fiskveiða, sem gengi út á það að ríkið yfirtæki aflaheimildirnar sem síðan færu á uppboð.Karl sagði ekki eitt aukatekið orð um að breyta kvótakerfinu, aðeins að breyta nýtingarréttinum.Það er því ljóst að Samfylkingin styður kvótakerfið enda hefur hún altaf gert það.Því til viðbótar eru nokkrir þingmenn sem ég ætla ekki að nafngreina sem tala um í einni setningu að leggja beri kvótakerfið af en segja svo í næstu setningu að ríkið eigi að bjóða kvótann upp.Þeir styðja líka kvótakerfið.Ég er nokkuð viss um að Steini minn Briem styður kvótakerfið

[Sigurgeir Jónsson, 13.6.2008 kl. 19:46]

Eins og Ingibjörg Sólrún.

[Steingrímur Helgason, 13.6.2008 kl. 23:36]

Ég er nú dáldið að sjá púnktinn í þessu hjá Steina Brímara.  Vandinn er náttúrlega sá að það er alltof auðvelt að hrauna yfir Samfylkíngarfólk þessa dagana, á meðan Valhöll heldur sér skynsamlega til hlés.

[Sigurjón Þórðarson, 14.6.2008 kl. 00:26]

Það er svolítið spennandi að fylgjast með skoðanakönnuninni á xs.is en um hádegið þegar ég birti þennan pistil þá voru 95% óánægð með viðbrögð ríkisstjórnar Samfylkingar og Sjálfstæðisflokks en eftir að ég birti þessa færslu, þá hefur bæst í hóp þeirra sem voru ánægðir með svör ríkisstjórnarinnar og fylgi ánægðara hafði rokið upp úr 0% og í heil 2%.

Það hringdi í mig sjóari seint í kvöld sem var með skýringuna á reiðum höndum og hún var að þingmenn Samfylkingarinnar hefðu allir mætt til að kjósa á síðunni allir sem einn og þá með leiðtoga sínum Ingibjörgu Sólrúnu til stuðnings áframhaldandi mannréttindabrota.

[Víðir Benediktsson, 14.6.2008 kl. 21:24]

Meira ruglið í Samfylkingarfólki þegar því er borið við að Samfylkingin hafi ekki verið til þegar þetta og hitt gerðist og séu þess vegna laus allra mála. Verð að minna þetta lið á að Samfylkingin var stofnuð úr öðrum flokkum sem voru með mannsaldur að baki í stjórnmálum svo það þýðir lítt að skýla sér á bak við nýja kennitölu. Hefur aldrei þótt stórmannlegt. Yfirleitt er það einkenni þeirra sem eru í einhverjum monky buisness. Minni Steina Briem og fleiri á að Össur Skarphéðinsson og Jóhanna Sigurðardóttir hafa bæði setið áður í ríkisstjórn undir annarri kennitölu. En það er kannski ekkert að marka að því það hét ekki Samfylking, þau eru kannski allt annað fólk í dag. Man samt ekki eftir því að þau hafi mikið látið hagga kvótakerfinu í þá tíð enda Alþýðuflokksfólk en ekki Samfylkingarfólk. Það er ekki öll vitleysan eins.