Ritskoðunarárátta múslima

Það er að mínu viti mjög misráðið hjá múslimum á Íslandi að vera að fetta fingur út í sakleysislegar myndbirtingar. Með því eru þeir óneitanlega að samsama sig eða kannski öllu heldur búa til tengingu við þau öfgafullu viðbrögð sem urðu gegn dönsku myndunum þar sem teiknurum var hótað lífláti. Sannarlega var lagt á ráðin um að myrða þá.

Þeim væri miklu nær að reyna að aðlaga sig ríkjandi viðhorfum í vestrænum samfélögum þar sem dár er dregið að öllu og öllum - guði, öryrkjum og Frjálslynda flokknum.

Þó eru alltaf til einstaka stjórnmálamenn sem sleikja upp svona vitleysisviðhorf. Ekki kom á óvart að Kolbrún Halldórsdóttir bæri í bætifláka fyrir múslima vegna viðbragða talsmanna þeirra á Íslandi þar sem hún hefur ekki alls fyrir löngu sýnt af sér fádæmasleikjugang gagnvart stjórnvöldum í Sádi-Arabíu. Þar klæddi hún sig upp að hætti þarlendra kvenna þegar hún var í heimsókn á vegum Alþingis en stjórnvöld þar í landi eru þekkt fyrir flest annað en að virða réttindi kvenna og önnur mannréttindi.

Athugasemdir

[Einar Þór Strand, 20.3.2008 kl. 19:03]

Sigurjón þó ég sé ekki oft sammála þér þá ætla ég að hæla þér fyrir að vera ólíkt flestum stjórnmálamönnum opið fyrir athugasemdir á þínu bloggi.

Jón Frímann það er ekki mikil ritskoðun að menn eyði athugasemdum á sínu bloggi og ekki hægt að bera það saman við ritskoðunarkröfu muslima, ég er hræddur um að þú fengir þá ekki að opna munninn því miður.

[Óskar Þorkelsson, 20.3.2008 kl. 19:05]

he he ég er td bannaður hjá Villa israelsvin í kaupmannahafnarblogginu.. hann þolir illa gagnrýni drengurinn sá.

[Halla Rut , 20.3.2008 kl. 19:18]

Þetta viðtal í Kastljósi sýndi okkur aðeins smjörþefinn af því sem koma skal. Múslímar hér eru fámennir og hafa svo til engin samfélagsleg ítök. Þessi kurteisa ábending og hógværu mótmæli munu ekki vera þannig sett, ef og þegar, það breytist. 

EINAR: Sammála þér. Furðuleg hugsun margra stjórnmálamanna að skrifa á blogg og loka svo fyrir athugasemdir. En þannig verða þeir margir, hætta að vilja heyra hvað fólkið vill og hugsar.

[Gunnar Skúli Ármannsson, 20.3.2008 kl. 20:29]

Sæll Sigurjón,

mér finnst nú þetta mál svolítið flóknara. Kannski er það vegna þess hve gamall ég er orðinn. Þessi skotgrafahernaður ólíkra menningheima hefur ekki fært okkur neinn árangur hingað til. Ég held að við verðum að leita nýrra aðferða ef við ætlum að leysa þessi mál.  

[Guðbjörn Jónsson, 20.3.2008 kl. 20:42]

Erum við ekki sífellt að bregðast ókvæða við gagnrýni á það sem okkur er kærast?

Hvers vegna ættu múslimar að vera öðruvísi? 

[Sigurgeir Jónsson, 20.3.2008 kl. 21:14]

Trúarofstæki er jafntillt, hvaðan sem það kemur.Múslimar og Gyðingar eru mest áberandi í dag,og heimurinn vari betri ef hann væri laus við hvorutveggja.En það sem hefur verið að gerast er að kristnir trúarofstækismenn eru í sífellt meira mæli farnir að tengja saman kristni og gyðingdóm.Ég var þurkaður út af bloggi hjá ágætum manni sem segist vera kristinn kaþólikki,eftir að ég benti honum á að hann væri trúvillingur vegna hrifningar hans á gyðingdómi.En við höfum hist síðan og fór vel á með okkur.Í guðs friði.

[Guðrún María Óskarsdóttir., 21.3.2008 kl. 00:59]

Sæll Sigurjón.

Ég tel að við hvoru tveggja þurfum og verðum að gagnrýna fjölmiðla agnar ögn í þessu sambandi.

Mætti ekki kalla það " vitleysisviðhorf " að þörf fjölmiðla til að birta myndir sem á einhvern hátt særa trúarvitund einhverra, þurfi endilega að koma til ?

Í mínum huga er hér verið að nota og nýta mál til einhvers konar kollegasamstöðu í Danmörku sem og að auglýsa blað undir formerkjum tjáningarfrelsis fjölmiðla.

Við eigum ekki að mínu viti að láta etja okkur út deilur og erjur af slíkum toga og mér er mjög til efs að Salmann hafi að eigin frumkvæði komið í Kastljós vegna þessa.

kv.gmaria.

[Sævar Einarsson, 21.3.2008 kl. 02:44]

Hugmyndir um fjölmenningarsamfélag er það fáránlegasta af öllu fáránlegu, hvar hefur það gengið upp svo vel sé ? ef einhverja langar svo gríðarlega til að lifa þannig samfélagi, þá er bara að flytja þangað í stað þess að vera að troða því uppá aðra. Og ég gat ekki annað en glott yfir þessari línu hjá þér með Kolbrúnu og sleikjuskapinn, priceless !

[Sigurjón Þórðarson, 21.3.2008 kl. 10:43]

Það er rétt sem Sigurgeir segir að ofstæki er slæmt hvaðan sem það kemur.  Ég hef engu að síður meiri skilning á því þegar krafan um ritskoðun kemur frá fólki sem býr í Miðausturlöndum og þekkir minna til vestrænna samfélaga og er því tortryggnara og áttar sig ekki á úr hvaða jarðvegi teikningarnar eru sprottnar.

Það er erfiðara að átta sig á því hvers vegna múslimar á Íslandi eru að gera veður yfir teikningum.

[Katala (IP-tala skráð) 21.3.2008 kl. 11:44]

Þarna ertu búin at tala í hring um sjálfan þig.  Það sem stingur mig er að það virðist enginn annar sjá það.

 Tilmæli til muslima:

"Þeim væri miklu nær að reyna að aðlaga sig ríkjandi viðhorfum í vestrænum samfélögum"

Ummæli um Kolbrúnu Halldórsdóttur: 

"fádæmasleikjugang gagnvart stjórnvöldum í Sádi-Arabíu. Þar klæddi hún sig upp að hætti þarlendra kvenna þegar hún var í heimsókn á vegum Alþingis"

Þetta er náttúrulega tær snilld og sýnir þröngsýna og alveg ótrúlega hrokafulla afstöðu.  Að vera að ætlast til þess að fólk virði þig og þinn heimavöll, á sama tíma ertu að skíta aðra manneskju fyrir að gera það sama, það er bara ekki þinn blettur á jörðinni.

Önnur (traustvekjandi) ummæli hér að ofan. 

 "aðlaga sig ríkjandi viðhorfum í vestrænum samfélögum þar sem dár er dregið að öllu og öllum - guði, öryrkjum og....................."

Boðorðin 10 

 http://is.wikipedia.org/wiki/Bo%C3%B0or%C3%B0in_t%C3%ADu

 "Þú skalt ekki leggja nafn Drottins Guðs þíns við hégóma, því að Drottinn mun ekki láta þeim óhegnt, sem leggur nafn hans við hégóma."

Sannarlega sannkristnir  stjórnmálamenn á Fróni.

 "Þú skalt engar líkneskjur gjöra þér né nokkrar myndir eftir því, sem er á himnum uppi, ........"

Þetta er úr þinni eigin biblíu, 

Að vera að heimfæra það upp á fólk að það styðji einhverja morðóða vitleysinga í öðrum löndum. vegna þess að það virðir trú sína og það sem stendur í þeirra  Testamenti.  Þetta eru ásakanir sem ganga út í öfgar og jaðra við meiðyrði.

Þetta eru mínar skoöanir í nafni prentfrelsis, og viðkomandi er utan trúflokka.

[Sigurjón Þórðarson, 21.3.2008 kl. 12:21]

Katala þér til upplýsingar þá er ég ekki í kristnum trúflokki enda snýst málið ekki um það heldur um ritskoðun.

[Sævar Einarsson, 21.3.2008 kl. 16:43]

Katala svaraðu þessu "hvar hefur fjölmenningarsamfélag gengið upp svo vel sé ?"  og mín ummæli um hana Kolbrúnu eru bara til að sýna hversu langt fólk gengur í hræsni, við eigum að aðlaga okkur að þeirra menningu en ef við viljum að múslimar aðlagi sig að okkar menningu þá erum við kallaðir fordómafullir rasistar ... duh ?

[Jóhann Kristjánsson, 21.3.2008 kl. 17:12]

Mér skildist á talsmanni múslima að múhameð væri það fallegasta sem múslimar gætu ímyndað sér og mynd sem ekki gæti uppfyllt þá fegurð væri óviðeigandi. Múslimar virðast gleyma að fegurð er mjög afstæð og þess vegna finnst mér óviðeigandi af múslimum að ákveða einhliða hvað fegurð sé í raun og veru.

Mér finnst allavega ekki mikil fegurð í því sem sumir múslimar eru að aðhafast úti í löndum. Brenna fána og sprengja saklaust fólk í tætlur. Ég hef samt alls ekki neina fordóma gagnvart múslimskri trú eða múslimum yfirleitt, Tek það fram.

[Hjálmtýr Heiðdal (IP-tala skráð) 21.3.2008 kl. 18:08]

„Með því eru þeir óneitanlega að samsama sig eða kannski öllu heldur búa til tengingu við þau öfgafullu viðbrögð sem urðu gegn dönsku myndunum þar sem teiknurum var hótað lífláti“.

Þessi orð þín Sigurjón eru fáránleg árás á Yousef Tamimi.

Í Kastljósinu gerði hann skýran greinarmun á teikningunni í tímariti

Illuga Jökulssonar og dönsku teikningunum. Hann benti á það að trúaðir múslimar forðast skurðgoðadýrkun og eru á móti myndum af spámanninum.

Hann benti líka á að enginn veit hvernig hann leit út í lifanda lífi og því væri

þessi mynd tilgangslaus og bætti engu við greinina. Þegar þú, Sigurjón, tengir þessar hógværu ábendingar við „öfgafull viðbrögð“ og „líflátshótunum“ þá ert þú farinn að fiska í gruggu vatni.

Ritfrelsi er eins og annað frelsi – það er ekki til þess að ráðast á aðra

eða það sem mönnum er kært. Ég sé enga ástæðu til þess að teikna skrípamynd af þér til þess að nýta mér rit- og prentfrelsi. Svoleiðis vitleysa grefur undan þessum réttindum. Athafnafrelsi þitt er í gildi þar til að þú ferð

að misbeita því og ganga gegn frelsi annarra. Þú hefur ekki frelsi til þess

að skerða rétt annarra.

Það vinnur gegn ritfrelsi að hampa aðgerðum dönsku blaðanna sem aðgerð

í þágu ritfrelsis. Andróður gegn múslimum er vatn á millu þeirra sem vinna

gegn því frelsi sem við búum við. Hún er af sama meiði og „stríðið gegn hryðjuverkum“, það er notað til þess að skerða frelsi vesturlandabúa.

Múslimar eru upp og ofan eins og annað fólk – það eru ekki allir kristnir Íslendingar á sama máli og Gunnar í Krossinum. Öfgamenn sem kenna sig við Islam eru eins og aðrir öfgamenn – þeir nota skálkaskjólin líkt og kristnir krossfarar á sínum tíma og drepa í nafni trúarinnar. Öfgafullir Síónistar ræna landi Palestínumanna og reisa þorp á stolnu landi. En það eru ekki allir gyðingar Síonistar.

Og svo má minna fyrrverandi þingmenn á 233. grein hegningarlaganna sem hljóðar svo: „Hver sem með háði, rógi, smánun, ógnun eða á annan hátt ræðst opinberlega á mann eða hóp manna vegna þjóðernis þeirra, litarháttar, kynþáttar, trúarbragða eða kynhneigðar sæti sektum eða fangelsi allt að 2 árum.“ Þú segir að það sé ríkjandi viðhorf í vestrænum samfélögum að dár sé dregið að öllu og öllum.

Gaktu hægt um gleðinnar dyr Sigurjón

Ábending Katala er mjög fín – beint í mark.

[Sigurjón Þórðarson, 21.3.2008 kl. 22:14]

Salmann Tamimi verður að þola það í íslensku samfélagi að honum sé mótmælt ef hann er kominn í þann leiðangur að ritskoða blöð og tímarit. Hjálmtýr, ég læt mér því í léttu rúmi liggja hvort þú kallar þetta árásir eða eitthvað annað. Það er nú svo að við búum ekki í trúarríki múslima þar sem sjaríalög gilda en eflaust vilja sumir koma þeim á. 

Ég hef á tilfinningunni að það sé allt annar hópur sem mælir þessari ritskoðunaráráttu múslima á Íslandi bót, þeir sem var misboðið vegna auglýsingar Símans þar sem gert var grín að síðustu kvöldmáltíðinni. Þótt ég tilheyri hvorugum trúarhópnum er mér er til efs að myndirnar af Múhameð spámanni séu meira særandi en auglýsing Símans.

Ef til vill er þetta misskilningur, e.t.v. vilja Kolbrún og VG bara koma á allsherjarritskoðun á allt sem gæti misboðið sómatilfinningu einhverra.

[Óskar Helgi Helgason (IP-tala skráð) 21.3.2008 kl. 23:58]

Heill og sæll; Sigurjón og aðrir skrifarar !

Meira andskotans slysið; að þú skyldir frá Alþingi hverfa, sem raun ber vitni, Sigurjón, eða;......... hvað hefir FF, við menn eins og Jón Magnússon, 1/2 Sjálfstæðismann, eða þá Kristinn H. Gunnarsson, 1/2 Alþýðubandalagsmann, að gera, í sínum röðum ?

Jafnvel; spjallvinkona okkar, hin mæta kona, Guðrún María Óskarsdóttir, er farin að mengast, af viðhorfum ''fjölmenningar'' kórsins, Sigurjón minn, og er það nú öllu lakara !

Hjálmtýr blessaður Heiðdal hefir; jah,, ........ síðan ég man eftir, á 8. áratug 20. aldar, verið samansúrraður, af fylgispektinni, við Filisteana (Palestínumenn), misminni mig ekki alvarlega, þá gaf hann það til kynna, í einhverjum dagblaðanna, á þeim tíma, sem æ síðan.

Gunnar Skúli, sá ágæti drengur; líkt, sem margir annarra, heldur að hægt sé að ná einhvers konar málamiðlun, við fylgjendur Múhameðs, því fer svo óra fjarri, sem tíðindi frá öðrum löndum, nær sem fjær, og frásagnir skikkanlegs fólks, víða utan úr heimi vottfesta.

Með beztu kveðjum, sem jafnan / Óskar Helgi Helgason 

[Sævar Einarsson, 22.3.2008 kl. 10:17]

Ég man nú þegar Steingrímur J kom með þá hugmynd að stofna netlögreglu ... fangamarkið VG hefur ætíð frá þvi að hann lét það útúr sér verið í mínum huga Vinstri Gulir og vísar það í "líðræðisríkið" Kína og svo hafa Sóley og Kolbrún verið duglegar að minna mig á fyrir hvað fangamarkið VG stendur fyrir, en þetta er bara mín skoðun og mig langaði að koma henni á framfæri, Steingrímur J er "drusla og gunga" (þetta eru jú hans orð sem hann hafði um Davíð Oddson )

[Hjálmtýr Heiðdal (IP-tala skráð) 22.3.2008 kl. 11:56]

Yousef Tamimi var ekki „í leiðangri til að ritskoða“ eins og þú skrifar. Hann var að benda á tilgangsleysi myndarinnar og að hún særði trúatilfinningar sumra múslima. Það að tjá sig um þetta hefur ekkert með ritskoðun að gera. Ef ég bendi þér á einhverja skoðun þína sem ég er ekki sammála þá er ég ekki að heimta að þú fáir ekki að birta þá skoðun. Þú ert með orðum þínum, bæði í upphafsinnleggi þínu og svarinu til mín að draga upp átakalínur sem eru ekki til staðar í þessu máli. Þú fabúlerar að einhverjir viljir koma á saríalögum hér og svo talar þú um að Kolbrún Halldórs vilji e.t.v. koma á allsherjarritskoðun til að vernda sómatilfinningu allra.

Svona málflutningur er helst í ætt við lýðskrum og hjálpar engum til þroska.

Við skulum taka á hverjum hlut eins og hann kemur fyrir. Ekki að búa til skoðanir og koma með dylgjur. Ef þér er annt um ritfrelsið þá skaltu virða innsta eðli þess.

Óskar Helgi er að reyna að segja eitthvað um mínar skoðanir væntanlega – en ég næ ekki samhenginu. Hann bætir kanski framsetninguna við tækifæri.

[Óskar Helgi Helgason (IP-tala skráð) 22.3.2008 kl. 14:29]

Heill og sæll; Sigurjón og aðrir skrifarar !

Hjálmtýr ! Bið þig vel að virða; misminni mig nokkuð, um þínar meiningar, varðandi Filisteana (Palestínumenn), hélt örugglega, að þetta hafi verið eitthvað, á þessa leið.

Hafir þú ekki tekið nógu skýrt eftir, og ég ekki áréttað, nógsamlega, að þá væri það Íslands mesta gæfa, að Múhameðska fárið yrði, um komandi tíma, fjarri Íslands ströndum. Nóg er; að lesa - heyra og sjá, af vandkvæðum annarra þjóða, í samskiptum, við þessa andskotans drullusokka, Hjálmtýr minn !

Með beztu kveðjum, sem fyrr / Óskar Helgi Helgason

[Hjálmtýr Heiðdal (IP-tala skráð) 22.3.2008 kl. 14:41]

Sumir eru enn að reyna að jafna sig á Tyrkjaráninu sýnist mér.

[Óskar Helgi Helgason (IP-tala skráð) 22.3.2008 kl. 15:10]

Og jú; rétt er það, m.a., Hjálmtýr minn !

Með beztu kveðjum, á ný / Óskar Helgi Helgason

[Björn Heiðdal, 23.3.2008 kl. 17:20]

Þegar Ingibjörg Sólrún og Björn Bjarnason eru orðnir bestu vinir er fjandinn laus.  Flestir múslimar á Íslandi sem ég þekki drekka brennivín og hafa lítinn áhuga á flutningi til Sádi Arabíu og hlæja að þessum myndamálum. 

Sigurjón fellur í þá gryfju að halda að þetta snúist um ritfrelsi og hvernig við lifum hér á Vesturlöndum.  Þetta snýst um að búa til hatur á milli "okkar" og "þeirra".  Búa til stóra grýlu sem kemur í staðin fyrir Kommana og kannski gott betur.

Ritfrelsi er notað til að fá nytsama sakleysingja til að þeysast fram á sjónarsviðið og verja það sem þeim er heilagast.  Sama trikkið var notað fyrir innrásina í Írak.  Þá var spurningin "Styður þú öll illvirki Saddams?" Það vildi ekki nokkur maður og þess vegna kominn í hópinn sem vildi bomba Saddam og nokkur fátæk börn með.