Samherji drap drjúgan hluta af þorskstofni Grænlendinga í einni veiðiferð !

Í nýrri skýrslu Alþjóða hafrannsóknarráðsins er þorskstofninn við Grænland metinn hvorki meira né minna en 16.400 tonn.  Nú ber svo við að togarinn Kiel sem er í eigu þess ágæta fyrirtækis Samherja á Akureyri er nýkominn úr veiðiferð úr Norðurhöfum með 700 tonn af þorskflökum, en ætla má að aflinn hafi því verið um 1.700 tonn upp úr sjó.  Samkvæmt fréttum veiddist drjúgur hluti aflans við Grænland og þar af 700 tonn á einungis 10 dögum.

Þessi veiðiferð ætti að vera umhugsunarefni fyrir þá sem vilja taka fullt mark á þessum stofnstæðrarmælingum Alþjóða hafrannsóknarráðsins  við Grænland og fara yfir forsendur veiðráðgjafarinnar.  Einnig væri ráð að fara í leiðinni með gagnrýnum hætti yfir stofnmælingu við Ísland þar sem sömu sérfræðingar beita sambærilegum aðferðum við stofnmælingar og veiðiráðgjöf hér og við Grænland.

Ég get ekki tekið nokkuð mark á þessum stofnstærðarmælingum og er mjög undrandi á að nokkur taki mark á þessum mælingum.  Við Grænland er stofnstærð þorsks árið 2006 miklu mun minni en sami stofni mældist ári fyrr.  Það sem upp á vantar á milli ára er mun meira en veitt var úr stofninum og það sem meira er að nýliðun við Grænlænd er sögð vera á uppleið. 

 

Athugasemdir

[Sigurjón Þórðarson, 22.8.2007 kl. 14:26]

Það kæmi mér ekki á óvart þó að  ICES telji að núverandi mat 16.400 tonn sé rétt og að stofninn hafi verið ofmetinn árið áður. 

Vinsælt er að kenna auknum veiðanleika um skekkjur í mati hvað sem það nú er og eflaust verður mikill afli Kiel notaður til að staðfesta þá kenningu.

[Gunnar Skúli Ármannsson, 22.8.2007 kl. 22:27]

Góð athugasemd, nú er bara að vona að hinir 9 togararnir veið ekki neitt því þá er allur þorskurinn búinn. Ég er skarpur ekki satt?

[Sigurgeir Jónsson, 22.8.2007 kl. 23:27]

Margir sem eru andsnúnir núverandi stjórnkerfi fiskveiða og setja samasem merki á milli kvótakerfisins og Hafró,tala gjarnan um fiskifræði sjómannsins.Nú er það að sjálfsögðu eðli legt að sjómenn vilji veiða fisk, mönnum ferst það misvel, eins og flest sem menn gera.En skoðanir sjómanna í fiskifræði eru jafnmargar og sjómennirnir eru margir.Sumir miklir aflamenn gefa ekkert fyrir fiskifræði sjómannsins, og segjast jafnvel ekkert hafa vit á slíku , þótt þeir hafi getað veitt fiskEinn slíkur var í sjónvarpinu á sunnudagskvöld, Örn Erlingsson.Rétt eins og vatnafiskifræðingurinn Jón Kristjánsson hefur meira vit á bleikju heldur en sá sem veiðir hana, þá getur lífræðingur eða fiskifræðingur haft meira vit á þorski heldur en sá sem veiðir hann. 

[Sigurjón Þórðarson, 23.8.2007 kl. 00:04]

Ég átta mig ekki á þessari athugasemd Sigurgeir og mér þætti ágætt ef þú gerir betur grein fyrir hvað þú ert að fara.

[Guðrún María Óskarsdóttir., 23.8.2007 kl. 00:38]

Sæll Sigurjón.

Gott að velta þessu fyrir sér á þessum forsendum.

kv.gmaria.

[Sigurjón Þórðarson, 28.8.2007 kl. 11:07]

Leiðrétting

Stofnstærðartölur sem vitnað er til í ofangreindum eiga við þann hluta stofnsins sem heldur sig við við V Grænland.