Nýr formaður Fólkaflokksins

Í vikunni gerðust þau tíðindi í Færeyjum að Fólkaflokkurinn valdi sér nýjan formann en flokkurinn hefur þann háttinn á að þingflokkurinn velur flokksleiðtogann. 

Nýr formaður er Jörgen Niclasen. Hann er 38 ára gamall og hefur setið í einn og hálfan áratug á færeyska Lögþinginu. Hann gegndi embætti sjávarútvegsráðherra á árunum 1998 til 2003 og ákvað að fá óháða skoðun á tillögur færeysku Fiskirannsóknarstovunnar um niðurskurð á aflaheimildum en fyrri tillögur sama efnis höfðu ekki skilað tilætluðum árangri. Óháða ráðgjöfin gekk þvert á niðurskurðartillögur Fiskirannsóknarstovunnar og Alþjóðahafrannsóknaráðsins. 

Færeysk stjórnvöld ákváðu að fylgja óháðum sérfræðingum og í ljós kom að fiskistofnarnir stækkuðu þrátt fyrir að veitt hefði verið umfram ráðgjöf Alþjóðahafrannsóknaráðsins sem gaf því ótvírætt til kynna að upphaflega ráðgjöfin hefði verið röng.

Jörgen Niclasen er afar snjall og góður fyrirlesari. Ég kynntist honum fyrir nokkrum árum á ráðstefnu um fiskveiðistjórn á Norður-Írlandi og síðar héldum við saman til  Brussel að kynna aðra sýn og aðferðir við að stjórna fiskveiðum en með kvótakerfum sem hvergi hafa gagnast í að byggja upp fiskistofna. Það er fyllsta ástæða til að óska Fólkaflokknum til hamingju með valið.

Athugasemdir

[Ólafur Ragnarsson, 3.8.2007 kl. 21:42]

Sá hann með þér á fundi hér í Eyjum og leyst vel á hann

[Guðrún María Óskarsdóttir., 4.8.2007 kl. 01:51]

Já mínar hamingjuóskir til Færeyinga. Ég hef sjaldan hrifist eins mikið af nokkrum framsettum fyrirlestri eins og hans á flokksþinginu hjá okkur Frjálslyndum fyrir nokkrum árum, alveg frábær náungi.

kv.gmaria.

[Árni Gunnarsson, 4.8.2007 kl. 10:35]

Mér líst vel á manninn. Hef það hinsvegar eftir Sigurgeir Jónssyni, þekktum skipstjóra úr Sandgerði að þorskstofninn í Færeyjum sé hruninn og búið að reka Jón Kristjánsson.

Sigurgeir vantar ekki nema örfáa sentimetra í að sannfæra mig um að sóknardagakerfið sé nánast búið að tortíma útgerð í Færeyjum. Náttúrlega með dyggri aðstoð og fyrir atbeina Jóns Kristjánssonar.

Þetta sáu þeir hjá Hafró í tíma og ráku manninn.

Enda vekur góður árangur þeirra í uppbyggingu okkar fiskistofna heimsathygli.

[Sigurgeir Jónsson, 4.8.2007 kl. 10:56]

Guðrún María Óskarsdóttir hefur ekki svarað spurningum sem ég lagði fyrir hana í athugasemdum á bloggi hennar.Kannski getur fyrrverandi útgerðarmaður,fiskverkandi og ég man satt, að segja ekki hvað það var sem sem Árni Gunnarsson hafði ekki gert að eigin sögn, á bloggsíðu Bjarna Harðarsonar, kannski getur Árni Gunnarsson hjálpað henni.Ég er hinsvegar sagður sjómaður í símaskránni, og hef verið alla tíð frá því ég fyrst var skráður í símaskrá, þótt ég hafi vissulega verið skipstjóri og stýrimaður á allskonar skipum. 

[Sigurgeir Jónsson, 4.8.2007 kl. 13:08]

Hér í næsta húsi við mig var staddur 30 manna hópur Færeyinga sem var þar í hálfsmánaðar heimsókn fyrir viku síðan.Færeyingar eiga allt gott skilið og vonandi nær þorskstofninn þar sér á strik aftur, þótt hann sé nú við það að hrynja eftir ráðgjöf Jóns Kristjánssonar.

[Guðrún María Óskarsdóttir., 5.8.2007 kl. 00:21]

Sigurgeir.

Fljótfærnin er ekki góð og eins og þú komst að var ég búin að svara þínum athugasemdum. Blessaður vertu ég þarf ekkert að fá aðstoð frá körlum við að svara einum karli.

kv.gmaria.

[Hallgrímur Guðmundsson, 5.8.2007 kl. 08:35]

Ég verð að spyrja þá félaga Árna og Sigurgeir, Árni getur þú sanna það fyrir mér að Jón Kristjánsson var rekinn frá Hafró, og í leiðinn getur þú sagt mér hvers vegna Jón var á sínum tíma látinn hætta hjá sjómannablaðinu Víking? Sigurgeir, hvaðan og frá hverjum hefur þú gögn um það, sem sanna það að þorskstofninn við Færeyjar sé hruninn? Svona framsetningar gagnvart einum manni verða menn að geta sannað, annað er rógburður og innihaldslaust blaður.

[Árni Gunnarsson, 5.8.2007 kl. 10:07]

Ég hef engar sannanir fyrir því að Jón Kr. hafi verið rekinn frá Hafró. Þetta er eitt af því sem er "altalað" og mér fannst það trúlegt vegna þess að skoðanir hans um stjórn fiskveiða ganga næstum alltaf í berhögg við skoðanir Hafró. Ég ber ekki þá virðingu fyrir Hafró að ég felli það undir rógburð að greina frá því að vísindamaður hafi verið rekinn þaðan vegna skoðana sinna. Það er tilgangslaust að spyrja mig um hitt atriðið því mér var og er ókunnugt um að Jón hafi verið látinn hætta á þessu blaði.

Um Hafró: Það hlýtur að vera deginum ljósara að vísindastofnun sem hefur mistekist jafn skelfilega í sinni ráðgjöf, nánast árlega í 23 ár er beinlínis skaðleg og stjórn hennar hefði átt að víkja fyrir löngu.

Ég er jafn sannfærður og aðrir um það að fagleg stjórnun og vísindaleg ráðgjöf er nauðsynleg í þessu mikla hagsmunamáli.

Aflamarkskerfið felur í sér hvata til brottkasts. Tilhneigingin eykst að mun þegar útgerðin er búin að greiða 2/3 af verðmæti aflans í leigu fyrir veiðiréttinn. Þetta er augljóst.

Sönn saga: Skip er á þorskveiðum og á ekki kvóta í ufsa. Trollið er tekið og upp koma 40 tonn af ufsa. Skipstjórinn hringir í útgerðina og spyr hvað eigi að gera?. Hann er beðinn að bíða smástund eftir svari. Svo er hringt: KASTA UFSANUM FYRIR BORÐ OG FÆRA SIG!!!

Margir trúa því að þetta sé aðeins eitt dæmi af mörgum.

Dagakerfið er ekki gallalaust. Það er ekkert fullkomið kerfi til þegar kemur að því að takmarka aðgang að þessari auðlind. Ég hef óljósan grun um að gallar dagakerfisins hafi verið tíundaðir meira en kostir þess vegna þess að það var ekki jafn ábatasamt í viðskiptum og aflamarkið. En dagakerfið verndar fiskinn á sama tíma og hitt kerfið hvetur til sóðaskapar eins og dæmin sýna.

Auðvitað er vandalaust að benda á galla dagakerfisins. "Það stóð bara svona á spori", sagð maðurinn sem steig í lækinn og blotnaði í fæturna. Ef menn benda á hnökrana vegna þess að þeir eru ekki menn til að leysa þá eða vilja það ekki þá má komast að hvaða niðurstöðu sem er.

Niðurstaða mín er sú að á meðan við tökum drýgsta hluta aflans með botnvörpunni eigum við ekki að hafa verndun fiskistofnanna mikið á orði.  

Að lokum: Hafi ég niðurlægt Jón Kristjánsson með því að segja að hann hafi verið rekinn frá Hafró þá biðst ég afsökunar á því. Ég ber nefnilega mikla virðingu fyrir fiskifræðingnum Jóni kristjánssyni. 

[Hallgrímur Guðmundsson, 5.8.2007 kl. 17:20]

Ég þakka þér góð svör Árni. Það er margt talað, og því miður blaðra menn miklu meira um hluti sem þeir hafa ekki nokkra hugmynd um hvernig eru í rauninni en þeir ættu að gera. Raunveruleg ástæða fyrir því að Jón yfirgaf Hafró á sínum tíma var sú að honum var meinaður aðgangur að öllu sem hét yfirvinna, á strípuðum launum hjá ríkisreknu apparati lifir ekki nokkur maður, hans skoðanir og rannsóknir hunsaðar og notaðar með 
útúrsnúningum, sem skemmtiatriði gerfivísindamanna, með öðrum orðum, lagður í einelti útaf skoðunum sínum og rannsóknum.Það hafa fleiri góðir menn verið flæmdir frá þessari stofnun 
með svipuðum aðferðum. Það var beitt pólitískum þrýstingi við að bola 
honum frá sjómanablaðinu Víking á sínum tíma. Ástæðan, á þeim tíma 
sem hann var þar voru birtar greinar sem voru of óþæginlegar fyrir 
Hafró, þetta kannast náttúrulega enginn við, vegna þess að sumir eru 
einfaldlega það heimskir, að halda því blákalt fram að spilling þrífist ekki 
í Íslenskri pólitík. 
Fagleg stjórnun og vísindaleg ráðgjöf er eitthvað sem við búum ekki við á Íslandi, meðan engu var stjórnað voru hlutirnir í margfalt betri málum 
heldur en þeir eru nokkurn tíman í dag, það vita allir sem eitthvað um þessi mál vita. En því miður eru til fullt að allsskonar mönnum sem allt þykjast vita og geta í sambandi við sjávarútveginn, sem í raun vita ekki rassgat meira en tveggja ára gamalt barn á leikskóla.Og lesum við til dæmis greinar eðlisfræðinga og hagfræðinga 
nánast vikulega í Mogganum þessum orðum mínum til stuðnings. Þessi saga sem þú kemur með um skipið á þorskveiðum er ekkert einsdæmi, dæmin eru líka á hinn veginn, sem sagt 40 tonnum af þorski hent af því einfaldlega, það á að veiða eitthvað allt annað.Dagakerfið er margfalt betra en þessi óskapnaður sem notaður er í dag. Til dæmis, brottkast verður algjörlega úr sögunni, það dettur engum heilvita manni í hug að henda laununum sínum. Síðan er alltaf talað um að það bendi enginn á betri lausn heldur en þetta blessaða kvótakerfi, það er rakalaus þvættingur. Öllum hugmyndum um annað en þetta helvítis brask
kerfi er einfaldlega sópað undir stól með tilheyrandi útúrsnúningum og afbökun.
kv. Halli

[Jóhann Elíasson, 5.8.2007 kl. 23:29]

Eitthvað stendur á því að Sigurgeir, svari fyrir bullið í sér, getur staðist að ekki hafi allt sem hann lét frá sér fara sé sannleikanum samkvæmt?

[Hafsteinn Viðar Ásgeirsson, 6.8.2007 kl. 23:02]

Hann Sigurgeir er "kindarlegur" að vanda...

[Jón Kristjánsson, 7.8.2007 kl. 21:04]

Ég vann hjá Hafró, eða Fiskideildinni eins og hún var kölluð þá, á stúdentsárunum 1960-1968, var við síldarleit á Ægi gamla. Var aldrei rekinn þaðan, enda hægri hönd Kobba við að finna síld. Að loknu námi vann ég á Veiðimálastofnun, en fór þaðan 1986 í önnur störf, starfaði sjálfstætt upp frá því og naut þess að geta haft þær skoðanir sem ég vildi og meiga viðra þær, óháð stjórnsömum yfirmönnum.
En rógburðurinn lætur ekki að sér hæða: Rekinn í Færeyjum, þvílíkt bull. Ég hef ekki komið að ráðgjöfinni þar sl. 2 ár, en árið 2003 sagði ég að þorskurinn myndi vera á niðurleið næstu 4 árin vegna ætisskorts, þá gæti hann farið að rétta við aftur. Vildi ég auka sóknina en ekki var farið eftir því. Þorskur í Færeyjum er ekki á fallanda fæti vegna ofveiði, - heldur vanveiði, - eins og á Íslandi.

[Sigurgeir Jónsson, 7.8.2007 kl. 21:20]

Þakka þér fyrir svarið Jón.