Alþjóðahúsið er ótrúverðugt

Fulltrúar Alþjóðahússins hafa stundað það að afflytja málflutning Frjálslynda flokksins og bendla flokkinn við ýmis óhæfuverk. Fremstur í flokki þessa hefur farið framsóknarmaðurinn og framkvæmdastjóri Alþjóðahússins, Einar Skúlason.

Það er erfitt að sjá að þessi málflutningur forsvarsmanna Alþjóðahússins geti í nokkru þjónað hagsmunum útlendinga á Íslandi, en mögulega telur Einar þetta þjóna hagsmunum Framsóknarflokksins.

Nýlegt rit Alþjóðahússins er mjög svo myndskreytt af kjörnum fulltrúum Framsóknarflokksins en það bólar lítið á að blaðið birti viðtal sem blaðamaður blaðsins tók við Guðjón Arnar Kristjánsson, formann Frjálslynda flokksins, um málefni útlendinga á Íslandi þar sem skynsamleg stefna flokksins kemur skýrt fram.

Ég vona að Alþjóðahúsið fari að taka málefnalegan þátt í umræðunni um málefni útlendinga. Það er það sem kemur þeim best.

Athugasemdir

[Heiða B. Heiðars, 3.4.2007 kl. 11:10]

Einmitt.. frambjóðendur Frjálslynda flokksins eru nefnilega svo málefnalegir... eða hitt þá heldur

[Ólafur Ragnarsson, 3.4.2007 kl. 12:04]

Sæll Sigurjón.Ég held að maður hafi  ekki á langri æfi heyrt aðrar eins rangtúlkanir í pólitík eins og útúrsnúningar fólks út úr ræðum og tali ykkar.Þetta virðist koma svo við kaunin á sumu fólki að það heldur hvorki vatni eða vindi og veit ekki í hvora löppina það á að stíga.Þetta er svo mikið feimnismál að að á helst að ræða það í dimmum skúmaskotum.Það er eins og fólk skilji ekki orð eins og :taka vel á móti,kenna þeim íslensku,passa að það verði ekki hlunnfarið.Út ú þessum orðum les fólk:vera á móti innflytendum,líta á þá sem glæpamenn upp til hópa o.s.fr.Stór hluti af þessu fólki getur ekki komið því inní hausin á sér að við erum að tengast umheiminum meir og meir.Útlendingarnir sem koma í dag eru kannske ekki þessir saklausu ferðamenn sem hafa heimsótt okkur hér á árum áður.Það er ekki víst að allir sakleysingarnir hópist hingað.Ég var sjómaður í tugi ára.Og fór víða.Sjómenn sjá allt aðrar hliðar á borgum en ferðamenn.Fátækrahverfin eru oftast upp af höfnunum og hræddur er að einver að þessu hjartagóðafólki tæki fyrir nefið  þegar þeir gengu þarna um..Af evrópulöndum voru Búlgaría og Rúmenía verst hvað það varðar.Það velgist ekki fyrir neinum sem hafa komið í þessi hafnarhverfi þar,hvað getur leynst þar innan um rottur sem eru eins og kettir að stærð villikettir-hundar og meira að segja börn rótandi í ruslahaugunum í kappi við rotturnar og hin dýrin um æti.Svo er það þrifnaðurinn.Ja guð minn almáttugur.Mér segist svo hugur að þeir sem reyna að komast í vinnu erlendis séu akkurrat menn úr þessu umhverfi.Ég er ekki að segja að allir sem koma úr þessum hverfum séu smitberar en sumir geta verið það og það hættulega.Kveðja

[Guðmundur G. Hreiðarsson (IP-tala skráð) 3.4.2007 kl. 12:15]

Heiða, er þessi athugasemd með því málefnalegasta sem búast má við frá þér?

[Auðun Gíslason, 3.4.2007 kl. 13:27]

"Það er það sem kemur þeim best." Er einhver hótun í gangi, mætti skilja það svo. Í Alþjóðahúsinu eru samankomnar bestu upplýsingar,  þekking  og reynsla í málefnum útlendinga á Íslandi, þannig í þessari umræðu er kannski skynsamlegast að hlusta á það fólk sem þar starfar. Það þjónar hinsvegar engum til gagns, hvorki Frjálslyndaflokknum né öðrum, að láta tilfinningarnar hlaupa með sig í gönur í þessu máli. Hræðslupóltík (að höfða til óttans) getur þjónað skammtímahagsmunum en þegar til lengda lætur er hún til ógagns bæði fyrir þá sem hana reka, og samfélagið allt. Auglýsingin fræga með röngum upplýsingum um bæði sóttvarnir og ESS-samninginn er dæmi um þetta. Annað dæmi: Magnús Þór lét sem enginn sóttvarnarlæknir hefði verið starfandi á landinu, þar til nýverið. Það var hrein vitleysa. Flestir sem fylgst hafa með fréttum síðustu árin vita betur. Varla er hægt að gera málstað (hver sem hann er) meira ógagn en með svona vinnubrögðum. Svo væri auðvitað rétt að benda Frjálslyndaflokknum á að blása ekki þessa umræðu svona upp á hræðslunótum. Það er aðeins til ógagns fyrir þá sjálfa, einsog hefur sýnt sig. Og til ógagns fyrir allt samfélagið!

[Ólafur Ragnarsson, 3.4.2007 kl. 16:15]

Já akkúrat Auðunn,Þú hittir naglan á höfuðið.það má ekki blása þessa umræðu upp.Það er bara eihverjir sérfræðingar sem mega ræða þessi mál inn í vernduðu umhverfi.Allt er satt sem sérfræðingar segja.Þetta má ekki ræða af reynslu þess lítið lærða.Þetta minnir á umræðuna um fiskinn það hefur engin vit á fiskigöngum aðrir en sérfræðingarnir sem vinna hjá Hafró.Lítið menntaðir skipstjórar og fiskifræðingar sem ekki vinna hjá Hafró hafa ekkert vit á þessu og eiga bara að þegja.Sért kært kvaddur

[Sigurður Þórðarson, 3.4.2007 kl. 21:07]

Væri ekki nær að kalla þetta fyrirbrigði.

Alþjóðlegt framsóknarhús?

[Guðrún Þóra Hjaltadóttir, 3.4.2007 kl. 22:56]

Kannski hefur Einar Skúlason fengið þá nýbúa sem að heimsækja hið alþjóðlega framsóknarhús til að kjósa framsókn, hann hefur örugglega ekki verið með neinn hræðsluáróður við það.

Framsóknarmenn hafa ekki bara troðið sínum mönnum í utanríkisþjónustuna, þeir eru út um allt og fela sig á bak við nýbúa þessa lands og Guð, því prestar fara líka offörum.

[Guðrún María Óskarsdóttir., 3.4.2007 kl. 23:06]

Já takk fyrir að benda á þessar annars ágætu upplýsingar um mál þetta.

kv.gmaria.