Birting greina í Morgunblaðinu

Í kvöld þá dundaði ég mér við m.a. að svara grein Jónasar Bjarnasonar efnaverkfræðings, en hann skrifar grein í Morgunblaðið í dag þar sem hann vekur athygli á pistli sem ég flutti á Útvarpi Sögu á þriðjudaginn var. 

Við Jónas erum sammála um ýmislegt, s.s. að kvótakerfið sé mjög vont, en okkur greinir á í veigamiklum atriðum um áhrif veiða á erfðir fiska.  Ég verð að viðurkenna það að ég skil oft á tíðum lítið í röksemdafærslu efnaverkfræðingsins þrátt fyrir að ég telji mig hafa góðan grunn í stofnerfðafræði.

Það sem ég fór að velta fyrir mér var forgangsröðun Morgunblaðsins á birtingu innsendra greina þar sem grein eftir mig um húsnæðismál hefur beðið frá því 15. mars sl. á meðan grein Jónasar um pistil minn þann 20. sl. á Útvarpi Sögu hefur greinilega verið sett í algjöran forgang.

Það verður fróðlegt að fylgjast með því hvenær ritstjóri Morgunblaðsins sér ástæðu til þess að birta svar mitt við grein Jónasar sem hann fær sent á morgun.

Athugasemdir

[Guðrún María Óskarsdóttir., 25.3.2007 kl. 01:04]

Sæll Sigurjón.

Hvað segirðu , afar fróðleg forgangsröðun.

kv.gmaria.

[Sigurjón Þórðarson, 25.3.2007 kl. 11:00]

Greinin er farin í Morgunblaðið og nú verður fróðlegt að fylgjast með hvenær hún birtist.

[Georg Eiður Arnarson, 25.3.2007 kl. 12:32]

Vonandi birtist þetta fyrir kostningar

[Ásthildur Cesil Þórðardóttir, 25.3.2007 kl. 16:18]

Mogginn fær alltaf helblátt yfirbragð svona fyrir kosningar.