Leita í fréttum mbl.is

Fávita umræða

Umræðan um stjórn fiskveiða sem nær upp á yfirborð stærstu fjölmiðlanna er nánast fávitaleg. Eðli fiskistofna er að sveiflast gífurlega og ætti flestum að vera ljóst að fiskveiðar eru ekki stærsti áhrifaþáttur í stofnsveiflum þeirra. Núna þykist forstjóri Hafró geta séð fyrir auknar veiðar allt til ársins 2016.  Enginn á Hafró sá fyrir niðursveifluna á þorskstofninum í kringum síðustu aldamót og ekki heldur árið 2006, en niðursveiflurnar urðu þrátt fyrir að farið var nákvæmlega eftir ráðgjöf stofnunarinnar. 

Hvers vegna er engin gagnrýnin umræða um algert árangursleysi veiðiráðgjafarinnar en um áratugaskeið var á Íslandsmiðum veidd um hálfmilljón tonn af þorski en núna er aflinn vel innan við helmingurinn af því sem miðin gáfu áður af sér? Fleiri spurningar sem vakna s.s. hvers vegna karfastofninn rýkur upp í mælingum en fiskurinn er sagður verða gamall og vera hægvaxta. Ef allt væri með felldu í mælingum og reiknilíkönum þá ættu umræddar sveiflur að vera fyrirséðar.  Sama á við um hrapið á mælingu á ýsustofninum. Minni veiðiheimildir á ýsu á næsta ári eru ávísun á bein vandræði og brottkast

Ekki bætir úr skák að fjórflokkurinn á hinu háa Aþingi virðist að mestu hjartanlega sammála um að vera áfram með óbreytta fiskveiðistjórn og úthluta sömuleiðis örfáum sérstökum sérréttindum til áratuga.  Helstu deilurnar á Alþingi snúast um hversu mikið eigi að skattleggja einokunarréttinn.  Eina vitið núna er að leggja frumvörp ríkissjórnarinnar til hliðar og skoða stjórn fiskveiða frá grunni. 


mbl.is Leggur til meiri þorskkvóta
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Sindri Karl Sigurðsson

Sigurjón þú veist að fiskur er með sporð og að því miður þá hefur fiskifræðin ekki verið nægjanlega nýjungagjörn þannig að það er ekki hægt að fullyrða að þessi fiskur sé ekki "íslenskur" né að hann sé það. Það er ágætis vinna í gangi í, sumum nytjstofnum, til að reyna að "feðra" fiskinn rétt. Það verður mjög áhugavert að fylgjast með hvernig erfðafræði kemur til með að nýtast til fiskirannsókna og stýringa á veiðum.

Sindri Karl Sigurðsson, 8.6.2012 kl. 15:53

2 Smámynd: Tryggvi Helgason

Hvernig getur staðið á því, - Sigurjón, - að það kemur enginn Alþingismaður fram með tillögu um að afnema "kvótakerfið", ... svo og að loka Hafransóknastofnuninni og spara 2.000 milljóna ársútgjöld ríkissjóðs, (það er útgjöld skattborgaranna) ?

Tryggvi Helgason, 8.6.2012 kl. 16:45

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband