Sættir hafa tekist - Þórarinn V. Þórarinsson semur fyrir hönd launþega

Skrípaleikur Jóhönnu í lausn á skuldavanda heimilanna er með ólíkindum og jafnvel svo að geimveran í ráðhúsinu gæti vart toppað delluna. Rétt í þessu var ég að horfa á kvöldfréttirnar á RÚV á tölvunni til að átta mig betur á "baráttu" heilagrar Jóhönnu við varðmenn lífeyris launþega.  Eins og kunnugt er þá hafa fulltrúar lífeyrissjóða launþega verið sagðir helsti Þrándur í Götu þess að hægt verði hægt að beita almennum aðgerðum fyrir skuldug heimili.  Þessi fyrirstaða lífeyrissjóðanna er illskiljanleg í ljósi þess að sjóðirnir hikuðu við að snara út tugum þúsunda milljóna  í gjaldþrota Vestia- fyrirtækin s.s. Húsasmiðjuna.

Í frétt RÚV var fátt nýtt nema myndskeiðið sem fylgdi fréttinni en það sýndi engan annan en Þórarin V. Þórarinsson fara á fund Jóhönnu Sigurðardóttur forsætisráðherra og semja fyrir hönd launþega um lífeyrissparnað launamanna. Fyrir þá sem þekkja ekki Þórarinn þá er rétt að rifja það upp að hann er fyrrum framkvæmdastjóri Vinnuveitendasambandsins sáluga, lögmanns Impregilo og forstjóra Símans sem þurfti að segja af sér vegna hneykslismála.

Kannski skipti það ekki nokkru máli um útkomu einkennilegra "samningaviðræðna" ríkisstjórnarinnar við lífeyrissjóðina hvort að viðmælandinn væri Gylfi Arnbjörnsson eða Þórarinn V. Þórarinsson en mér fannst þetta engu að síður táknrænt um fáránleika endurreisnarstarfs Samfylkingarinnar og Steingríms J..

Athugasemdir

[Haraldur Baldursson, 3.12.2010 kl. 00:14]

Hversu súr á þessi SÚRealismi að verða ÞÞ farinn að gæta hagsmuna launþega...hvað gerir maður næst hallar sér að flöskunni, svo maður nái að skekkja sig að þessari klikkuðu tilveru ?

[Sigurjón Þórðarson, 3.12.2010 kl. 00:22]

Þetta er klikkun en súperjafnaðarmanninum Jóhönnu Sig finnst þetta allt eðlilegt og ekki efa ég að meðmælandinn Össur sé sama sinnis.

[Einar Guðjónsson, 3.12.2010 kl. 00:46]

Þórarinn var þarna til að tryggja að eftirlaunin yrði ekki skorin niður við Brynjólf Bjarnason, Brynjólfur hætti hjá Símanum eftir að Lífeyrissjóðirnir höfðu tapað 130 milljörðum á Skipti/Símanum. Þá var hann auðvitað þarna sjálfur sem lífeyrisþegi en Þórarinn fær einmitt lífeyri sinn frá Símanum. Hann var einn af þeim fyrstu sem naut kunningjaráðningar í kjölfar hlutafélagsvæðingar ríkis Davíðs Oddsonar.

[Jón Steinar Ragnarsson, 3.12.2010 kl. 03:19]

Afturgöngur arðránsáranna eru á stjái, hvert sem litið er. Jafnvel dem fulltrúar litla mannsins.

Svona ígildi þess að ráða Dr. Mengele sem yfirmann barnaspítalans, ef þú spyrð mig. Súrrealískt er ekki nægilega lýsandi. 

[Sigurjón Þórðarson, 3.12.2010 kl. 09:37]

Það er rétt Jón Steinar þetta var eins og í draugasögu en með Doktornum gekk Hrafn Magnússon sem á sér langa sögu í fjármálakerfinu sem við Jóhönnu Sig um framtíðina og uppgjör við hið liðna.

[Ingvi Rúnar Einarsson, 3.12.2010 kl. 14:55]

Hver stjórnar því,að allt þetta uppgjafalið,er látið stjórna lífeyrissjóðunum?-Það virðist aðallega vera leitað af fólki,sem hefur klúðrað sem flestu,sem þeir hafa komið nálægt.