Ráðgjöf Hafró ekki hafin yfir gagnrýni

Furðu sætir að Ásbjörn Óttarsson útgerðar- og þingmaður skuli ráðast persónulega að þeim sem gagnrýna Hafró en ekki efnislega að gagnrýninni. Ásbjörn hefur víst ekki sjálfur úr háum söðli að falla með sínar ólöglegu arðgreiðslur í farteskinu.

Ég hefði talið nær að kastljós fjölmiðlanna og þingmanna beindist að því að forstjóra Hafró og sérfræðingum stofnunarinnar sé ætlað að yfirfara vafasama ráðgjöf stofnunarinnar sem hefur ekki skilað þjóðinni öðru en minni afla og stórtjóni.

Það mín skoðun áhrif neikvæð áhrif dragnótarinnar séu mögnuð upp en engu að síður þá er rétt að heimamenn fái að vera ráðandi um hvaða veiðiskapur er stundaður inn á fjörðum.  Reyndar er löngu tímabært að stjórnvöld aflétti ónauðsynlegum atvinnuhöftum og auki veiðiheimildir og gefi handfæraveiðar frjálsar.

 

Yfirlýsing frá Jóni Bjarnasyni

Athugasemdir

[Jóhannes Laxdal Baldvinsson, 25.11.2010 kl. 18:22]

Seint mun ég verða sammála Jóni Bjarnasyni. Alveg sama þótt andstæðingar hans fari með fleipur. Jón Bjarnason er spilltur stjórnmálamaður og það er best fyrir langtímahagsmuni þjóðarinnar að slíkum stjórnmálamönnum sé hafnað. Sonur hans hefur álíka vit á fiskveiðiráðgjöf og skúringakonan í ráðuneytinu. Enda er ekki um vísindi að ræða sem fiskveiðistefnan byggir á. Athyglisvert var að hlusta á Katrínu iðnaðar í útvarpsviðtali hjá Sigga Storm í morgun. Þar talaði hún um nýtingu á háhitasvæðum sem ágiskunarvísindi. Ekki væri vitað hve orkan væri mikil fyrr en farið yrði að virkja. Af hverju ekki að viðurkenna þessa staðreynd um fiskstofnana?

[Jóhannes Laxdal Baldvinsson, 25.11.2010 kl. 18:24]

p.s dragnótin er vond vegna þess að í hana veiðist helst stórþorskurinn sem þarf að friða. Skiptir þá litlu allur sá meðafli sem líka veiðist.

[Sigurjón Þórðarson, 25.11.2010 kl. 18:57]

Jóhannes það sem mér finnst megi gagnrýna Jón Bjarnason fyrir er að ganga ekki í það verk af meiri festu að breyta kvótakerfinu en það hefur afar fátt gerst á þeim tíma sem hann hefur ráðið. Þær breytingar sem hann hefur þó staðið fyrir hafa verið jákvæð hænuskref.

 Kerfið er ónýtt og gjaldþrota. Engu að síður eru fjölmargir sem reyna að koma í veg fyrir breytingar s.s. ASÍ. SA og að ógleymdum LÍÚ og fylgismönnum í Framsókn og Sjálfstæðisfl. á þingi auk Björns Vals og Steingrímsarmsins í VG.Sjálfstæðisfl.

[Jóhannes Laxdal Baldvinsson, 25.11.2010 kl. 19:51]

Sigurjón, þú mátt hafa mig fyrir því að það stendur ekki til að breyta kvótakerfinu. Þessi fíflagangur í Jóni er sýndarmennska og smjörklípur. Strandveiðikvótinn tekinn af byggðakvótanum. Og skötuselsfrumvarp fyrir vildarvini ráðuneytisdindlanna. Nei, það mun ekkert gerast fyrr en við he4ndum fjórflokknum af þingi , úr bæjar og sveitarstjórnum og setjum inn fólk sem vinnur með hagsmuni heildarinnar að leiðarljósi.

[Bergur (IP-tala skráð) 25.11.2010 kl. 19:52]

Bjarni Jónsson er hámenntaður í lífeðlisfræði fiska, er með doktorspróf frá virtum, kanadiskum háskóla í þessum fræðum. Hann hefur um árabil starfað að rannsóknum á þessu sviði. Af þeim sem hafa nægilega þekkingu á þessu sérsviði og starfa ekki á Hafró, er hann áreiðanlega meðal þeirra fremstu. Hvaða skoðun sem menn kunna að hafa á fiskveiðistjórnuninni og veiðiaðferðum, þá er brýnt að það fólk sem kemur að þessari úttekt hafi faglega þekkingu og reynslu. Þá criteriu uppfyllir Bjarni vel.

[Jóhannes Laxdal Baldvinsson, 25.11.2010 kl. 20:22]

Ásgeir Jónsson er líka hámenntaður í sínum fræðum, en það hindraði hann ekkert í að blekkja almenning og taka þátt í markaðsmisnotkun stjórnenda Kaupþings.

[Rúnar (IP-tala skráð) 25.11.2010 kl. 20:55]

Var það ekki líka þessi Bjarni Jónsson sem var á launum hjá Hólaháskóla og fékk síðan hvern styrkinn á fætur öðrum til að vinna allskyns sérverkefni, sem hann síðan vann í 8-17 vinnunni sinni ???

Hann er greinilega "há-menntaður" í fleiri fræðum en fiskafræðum.. spurning hvort hann og Hrafn Gunnlaugsson hafi stundað sömu menntastofnun ?

[Jóhannes Laxdal Baldvinsson, 25.11.2010 kl. 21:03]

Jú rétt Rúnar og það er augljóst að siðferðið smitar frá föður til sona

[Sigurjón Þórðarson, 25.11.2010 kl. 22:27]

Ekki veit ég mikið um skólagöngu eða styrki Bjarna.  Mér finnst mestu máli skipta nú er að það verði efnisleg umfjöllun um fiskveiðiráðgjöfina sem skilar sífellt færri þorskum á land þrátt fyrir loforð Hafró um að það muni veiðast meira bara við það að veiða minna núna. 

Það sem ég hef rætt við Bjarna Jónsson um málið þá finnst mér að hann mætti kveða skýrar upp um að stefna Hafró sé ekki að gera sig og að keisarinn sé ekki í fötum. Það virðist vera erfitt fyrir líffræðinga að fara gegn ríkjandi stefnu þrátt fyrir að hún hafi augljóslega mistekist.

[Jón Kristjánsson, 25.11.2010 kl. 22:39]

Hér er smá fróðleikur um snurvoð frá 1939...

[Berbatov (IP-tala skráð) 26.11.2010 kl. 11:20]

Mér er satt að segja meinilla við að vera með neikvæðni í  garð dr. Jóns Kristjánssonar, tel hann merkastan núlifandi fiskifræðinga íslenskra. En við megum til að gera greinarmun á þeirri dragnót, sem lýst er þarna og þeirri sem notuð er í dag. Í fyrsta lagi drógu menn "fyrir föstu" eins og sagt er, í þá daga. Í öðru lagi þá hefur stærð veiðarfærisins aukist gríðarlega og í þriðja lagi er farið að búa hana miklu líkara því sem er um botnvörpu, þ.e. á fótreipinu eru t.d. rockhopperar o.s.frv.