Leita í fréttum mbl.is

Fólkið brást en stefnan ekki

Helsta niðurstaða endurreisnarskýrslu Sjálfstæðisflokksins sem gerð var undir yfirumsjón Skagfirðingsins Vilhjálms Egilssonar var að stefna flokksins væri í góðu lagi en fólkið hefði brugðist. Það er því rökrétt framhald að minni spámenn flokksins í Skagafirði skyldu fara eftir leiðsögn flokksforystunnar og skipta út öllum efstu mönnum á framboðslista Sjálfstæðisflokksins í Skagafirði sem hafa borið uppi og varið sjálfstæðisstefnuna.

Ég er ekki sammála þessu mati þar sem ég tel fólkið í flokknum vera eins og gengur og gerist, hvorki verra né betra en almennt gerist. Það sem brást var stefna spilltrar forystu Sjálfstæðisflokksins sem fól í sér einkavinavæðingu, mannréttindabrot í sjávarútvegi, skuldasöfnun, óráðsíu og útþenslu hins
opinbera. Flokkar sem hafa lent í því að stefna þeirra hafi rústað samfélögum og valdið eyðileggingu hafa venjulega endurskoðað stefnu sína eða þá jafnvel verið lagðir niður.

Það kemur verulega á óvart að sjá hve margt velmeinandi fólk er tilbúið að leggja nafn sitt við lista og óbreytta stefnu Sjálfstæðisflokksins sem rústaði íslensku samfélagi á valdatíð sinni.  

Nú er spurning hvort að oddvitinn, Jón Magnússon og hans meðreiðarsveinar og -meyjar munu boða iðrandi bót og betrun eða áframhald gjaldþrota „Sjálfstæðisstefnu“?


« Síðasta færsla | Næsta færsla »

Athugasemdir

1 Smámynd: Guðrún Þóra Hjaltadóttir

Ég spái áframhaldandi gjalþrotastefnu "sjálfstæðismanna". Þeir gleyma ekki vinum og vandamönnum svo létt.

Guðrún Þóra Hjaltadóttir, 27.3.2010 kl. 15:04

2 Smámynd: Sigurjón Þórðarson

Já líklegast er það rétt hjá þér að flokksforystan ætli engu að breyta en ég skynja samt þunga undiröldu í samfélaginu um kröfu til breytinga.

Sigurjón Þórðarson, 27.3.2010 kl. 19:21

3 Smámynd: Guðrún Þóra Hjaltadóttir

Við þurfum ekki annað en á horfa á formanninn tala, hann virðist alls ekki átta sig á stöðinni í þjóðfélaginu.  Hann sýnir hnignun Engeyjarættarinnar. Þrátt fyrir allt sem á undan er gegnið hefur XD allt of mikið fylgi Sigurjón. Ég hræðist þetta. Sjáðu útspil LÍÚ, dapurt.

Guðrún Þóra Hjaltadóttir, 27.3.2010 kl. 19:34

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband