Svavar sýnir þjóðinni puttann

Það er stórundarlegt í vestrænu lýðræðisríki að sendiherra, einn æðsti embættismaður og starfsmaður sem er trúað fyrir mikilvægum störfum í þágu þjóðarinnar, skuli neita að mæta fyrir þingnefnd í mikilsverðu máli. Þessi framkoma myndi kalla á tafarlausan brottrekstur þar sem þingræði og lýðræði er haft í heiðri. Það er líka merkilegt að Svavar vilji ekki koma og verja þann samning sem hann hefur lagt nafn sitt við og heiður sinn. Nærtækasta skýringin á því er að Svavar er hræddur um að hann geti ekki varið gjörninginn og svo að fleiri gögn verði dregin fram í málinu, gögn sem hann hafi skotið undan. Dettur einhverjum eitthvað annað í hug?

Frammistaða Össurar og Steingríms í þinginu við að útskýra málavöxtu í skjalaleyndinni var langt frá því að vera sannfærandi og nánast ömurleg, sérstaklega í ljósi þess að þeir sem sóttu að þeim eru sjálfstæðis- og framsóknarmenn sem hafa langt í frá hreinan skjöld eða sterka vígstöðu í málinu.

Landsmenn eiga heimtingu á að öll spilin séu lögð á borðið og farið gaumgæfilega yfir upplýsingar sem geta svipt okkur efnahagslegu sjálfstæði. 

Vilja sjá tölvupóstana

Athugasemdir

[Guðrún Hlín (IP-tala skráð) 30.12.2009 kl. 12:59]

Það er tíma bært fyrir okkur að losna við ÓHEIÐALEGA OG VANHÆFA RÍKISSTJÓRN og það STRAX.

[Anna Sigríður Guðmundsdóttir, 30.12.2009 kl. 13:08]

Það er nú heldur hæpið að trúa blindandi á fréttaflutning í þessu landi. Hann er svo einokaður og háður að betra væri að hafa engan Íslenskan fréttaflutning.

Hvaða sannanir höfum við fyrir að Svavar hafi neitað? Kom ekki fréttin frá háðum og pólitískum fjölmiðli sem matreiðir fréttir eftir því sem hentar hverju sinni til að skapa múgæsing og skoðanir í heilann á fólki. Hitler notaði einmitt svona aðferð og komst upp með það, sá siðblindi og sjúki maður. Og allir trúðu í blindni með hörmulegum afleiðingum.

[h p Jónsson (IP-tala skráð) 30.12.2009 kl. 14:01]

Þetta sannar bara að það eru landráðamenn í þessari ríkistjórn og líka í stjórnsýslunni ,við þurfum að losna við þetta fólk og það fljótt ,og það má aldrei koma nálægt stjórn landsins og ætti ekki einu sinni að hafa kosningarétt þegar það hefur fengið sin dóm.

Mbk DON PETRO

[Ásthildur Cesil Þórðardóttir, 30.12.2009 kl. 14:06]

http://www.asthildurcesil.blog.is/blog/asthildurcesil/entry/998071/ kv. Ásthildur.

[Jóhannes Laxdal Baldvinsson, 30.12.2009 kl. 17:15]

Sigurjón, það er mjög ógeðfellt að sjá þig taka svona eindregna afstöðu með hrunvöldunum og fjármálasóðunum.  Icesave snýst um meira en peninga, það snýst um heiður þjóðarinnar sem lét óhæfa stjórnmálamenn og embættismenn draga sig á asnaeyrunum af fjármálaglæpamönnum sem þóttust vera að stunda alþjólega bankstarfsemi en voru bara stunda píramídasvindl.

Icesave snýst um að skila aftur sparifé saklausra útlendinga.  Hryðjuverkalögunum alræmdu var beitt í nauðvörn til að stoppa alþjóðlega glæpastarfsemi í Bretlandi  Og það er ömurlegt að vera Íslendingur og hlusta á hvernig hrunvaldarnir hafa afvegaleytt umræðuna bæði innan þings og utan.  Kannski tekst þeim ætlunarverkið sem er að sprengja upp stjórnarsamstarfið og stoppa þarmeð rannsókn á starfsemi bankanna fyrir og eftir hrun. Því það er dagljóst að það þarf að fara fram önnur rannsókn á starfsemi skilanefndanna, sem voru skipaðar Árna Matt og Geir Haarde, ekki gleyma því

[Jóhannes Laxdal Baldvinsson, 30.12.2009 kl. 17:26]

p.s  skipaðar af, átti það að vera.  Og ég er ekkert endilega að verja ríkisstjórnina, hún hefur gert mörg mistök en stærstu mistökin voru að byggja á því sem hafði verið gert.  Og það var gert vegna þess að Samfylkingin bar beina ábyrgð á hruninu, VG og Steingrímur voru einfaldlega ekki undir það búin að taka við stjórnartaumunum. Meðan menn eru að skúra og fara út með ruslið gefst nefnilega ekki tími til að stjórna skipinu.

[Sigurjón Þórðarson, 30.12.2009 kl. 19:47]

Jóhannes segir að Steingrímur hafi ekki haft tíma til að stjórna skipinu en hann hefur haft nægan tíma til þess að sækja um aðilda að ESB og efla sambandið við Breta og AGS en vissulega hefur hann ekki haft tíma til að snúa að örlítið ofan af kvótakerfinu eða koma á móts við heimilin.