Gaza - Guantanamo - Anger in Iceland

Ég stillti á Al Jazeera sjónvarpsstöðina til að hvíla mig á kreppufréttum hér heima, ráðleysi ríkisstjórnarinnar og hundruða milljarða hvarfi út í buskann, þrálátum fréttum af fyrirsjáanlegum vaxtagreiðslum og sérkennilegum björgunarleiðangri oddvita ríkisstjórnarinnar.

Já, þetta var allt orðið svo pínlegt að ég ákvað að stilla á erlenda stöð, Al Jazeera. Þegar helstu fréttir stöðvarinnar voru kynntar voru þær um ástandið á Gaza, lokun Obama á Gvantanamó-búðunum og svo tók við löng frétt um reiði íslensks almennings yfir ástandinu.

Það er greinilegt að þegar ástandið á Íslandi er komið á par við ástandið í Gaza og lokun búðanna í Gvantanamó á alþjóðafréttastöðvum er komin full ástæða fyrir stjórnvöld til að leggja við hlustir og axla sín skinn.

Athugasemdir

[Björn Birgisson, 23.1.2009 kl. 11:19]

Athyglisvert!

[Vilhjálmur Örn Vilhjálmsson, 23.1.2009 kl. 16:23]

Lýðskrum. Þetta segir mest um þig og Al Jazeera.

[Guðmundur Óli Scheving, 23.1.2009 kl. 16:23]

Sæll Sigurjón.

Já  erum nú ennþá ein hinna "staðföstu þjóða"

[Sigurjón Þórðarson, 23.1.2009 kl. 16:38]

Hvað áttu við Vilhjálmur Örn?

[Alexander (IP-tala skráð) 23.1.2009 kl. 22:08]

Æ, honum Villa litla líður eitthvað svo illa. Æ, aumingja hann.

[Rakel Sigurgeirsdóttir, 23.1.2009 kl. 23:04]

Ætli atburðir á Íslandi hafi einhvern tímann áður vakið þvílíka athygli, fréttastofu umræddrar sjónvarpsstöðvar, að þeirra hafi verið getið í þriðju frétt kvöldsins?? Ef það hefur gerst áður er það ábyggilega ekki oft og sennilega aðeins með nokkurra ára millibili!

Afar sorglegt að ríkisstjórnin skuli vera heyrnarlausari gagnvart röddum mótmælenda en erlendir fjölmiðlar

[Árni Gunnarsson, 24.1.2009 kl. 00:50]

Áminning um þá grafalvarlegu stöðu sem vanburða stjórnvöld hafa sett okkur í á erlendri grund. Ríkisstjórnin lætur sér ekki nægja að starfa í fullri óþökk meirihluta samfélagsins. Í viðbót sýnir hún alþjóðasamfélaginu fingurinn en réttir fram hina höndina og biður um aðstoð.

[Jóna Kolbrún Garðarsdóttir, 24.1.2009 kl. 02:53]

Ég heyrði af viðtali við Geir H Haarde á Al Jazeera um daginn þar sem hann talaði um marga banka sem hefðu hrunið í USA og sagði að bara 3 bankar hefðu hrunið á Íslandi

[Þórarinn Þ Gíslason (IP-tala skráð) 24.1.2009 kl. 10:30]

Sæll Sigurjón.

 Ég hjó eftir þessu hjá þér.

Vissir þú ekki að við erum komin á kortið hjá þeim í landvinningum ?

Skrýtið að ÞAÐ skuli fara fram hjá þér.

Kveðja.

[Guðrún Magnea Helgadóttir, 24.1.2009 kl. 11:15]

Saell Sigurjon!

Eg horfi daglega a frettaflutning Aljazeera sjonvarpstodvarinnar...Stodin hefur sidan bankakreppan kom upp i byrjun oktober, flutt ytarlegar frettir fra Islandi, eins og hun flytur frettir fra mordum israels-hers a obreittum borgurum, konum og bornum a Gaza!

Ja eg se samasemmerki tar!

[Rakel Sigurgeirsdóttir, 24.1.2009 kl. 13:46]

Ábending Jónu Kolbrúnar er snilld!

[Óskar Þorkelsson, 24.1.2009 kl. 20:20]

Ég sá viðtalið sem jóna vitnar í.. ég skammaðist mín niður í tær fyrir viðvaningin hann Geir.