Vonbrigði með Reyni - af því að vonir voru bundnar við hann

Mér þykir leitt að heyra hvernig málið um Sigurjón Árnason og Björgólf Guðmundsson hefur snúist í höndunum á Reyni Traustasyni því að að mörgu leyti hefur DV staðið vaktina þar sem önnur blöð hafa sofið á vaktinni, DV þorði meðan önnur þorðu ekki. Nú þarf Reynir að meta það hvort hann geri hlé á störfum sínum sem ritstjóri og fari þá í önnur verk á blaðinu, t.d. að fjalla um kvótakerfið og gera gagnrýna úttekt á því hvað innganga í Evrópusambandið hefði á undirstöðuatvinnuveg þjóðarinnar, sjávarútveginn.

Það er nóg af góðu fólki á DV til að hlaupa í hans skarð, a.m.k. tímabundið, t.d. Erla Hlynsdóttir og Jóhann Hauksson sem hefur víðtæka reynslu og er þekktur að sjálfstæði í störfum.

Afskipti Björgólfs koma ekki á óvart, einhvern tímann ætlaði hann að kaupa útgáfu DV þegar eitthvað var í blaðinu sem hann kunni ekki við - og fór ekki leynt með þá fyrirætlan sína - til að leggja það niður. Sagan segir líka að hann hafi beitt ritskoðun á bók.

Íhugar málsókn gegn Kastljósi

Athugasemdir

[Doddi (IP-tala skráð) 16.12.2008 kl. 00:34]

Kynntu þér málið aðeins betur á Eyjunni áður en þú dregur of margar ályktanir, Sigurjón!

[101 (IP-tala skráð) 16.12.2008 kl. 05:51]

Maður verður ekki góður blaðamaður af hattinum einum saman.

[Ace (IP-tala skráð) 16.12.2008 kl. 09:07]

Reynir er augljóslega skítseyði. Slær sjálfan sig ítrekað til riddara sannleikans og frjálsar fjölmiðlunar en svo kemur í ljós að hann lýgur uppá sína eigin blaðamenn. Ef hann hefði reynt að gera við mig það sem reyndi að gera við þennan strák þá hefði ég buffað hann.

[Víðir Benediktsson, 16.12.2008 kl. 20:26]

Hann er í dag eins og siðblindur pólitíkus. Lýgur, getur ekki mætt í viðtöl af ófyrirsjáanlegum ástæðum, situr áfram og segist njóta trausts o.s.frv. Ég leyfi mér oft að kaupa blaðið í lausasölu en nú er því lokið. Ritskoðaðir blaðamenn eru ekki það sem ég sækist eftir.

[Jóhann Elíasson, 16.12.2008 kl. 20:30]

Reynir var nú ekki sérstakur "pappír" þegar hann var stýrimaður á Gylli og verður önd nokkurn tíma svanur?

[guðrún hlín adolfsdótt (IP-tala skráð) 16.12.2008 kl. 21:10]

Svona er ÍSLAND í dag,og hvað getum við gert til koma því á rétta braut á ný.Burt með þessa spillingu svo við getum átt einhverja FRAMTÍÐ fyrir BÖRNIN okkar.Látum ekki kúga okkur meir af þessum lýð.Ef ég væri Reynir Traustason myndi ég flytja úr Landi strax í gær.

[Haraldur Bjarnason, 16.12.2008 kl. 21:14]

Sagði upp áskriftinni og sendi uppsögnina beint til Reynis.

[guðrún hlín adolfsdótt (IP-tala skráð) 16.12.2008 kl. 21:28]

Gott hjá þér Haraldur.ÉG les þetta rusl blað ekki oftar þótt ég fengi það gefins.DV er rúið öllu trausti eins og svo mart annað hér á Landi.

[ThoR-E, 17.12.2008 kl. 09:34]

Ætli það sé ekki óþarfi að segja upp áskriftinni, og þó ...

Það eru margir góðir pennar á DV og blaðið fjallar oft um heit og umdeild mál. 

Vissulega var þetta óheppilegt að þessi frétt var stöðvuð vegna einhvers utanfrá ... en Reynir hefur beðist afsökunnar ... auðvitað lagast ekki allt þótt fólk biðjist afsökunnar en hann sér allavega að hann hafði rangt fyrir sér.

Sumir biðjast aldrei afsökunnar og eru aldrei ábyrgir fyrir neinu, eins og t.d þessir siðlausu útrásarvíkingar sem hafa rænt þjóðinna.

p.s þessi ACE sem setti inn athugasemd hér fyrir ofan er ekki ég, bara svo það sé á hreinu.

Bestu kveðjur