Leita í fréttum mbl.is

Úr fiski í flugið

Það hefur verið einkennandi í gegnum árin að farsælir forstjórar í flugfélögunum hafa komið úr bransanum sjálfum. Þá koma strax upp í hugann forstjórar Loftleiða og Arngrímur Jóhannsson sem lengi var forstjóri Atlanta. Nú í vikunni bar það til tíðinda í heimi viðskiptanna að skipt var um forstjóra í Icelandair Group. Úr starfinu fór maður sem hafði unnið um áratuga skeið í flugbransanum og inn kom Björgólfur Jóhannsson sem hefur aðallega reynslu úr sjávarútvegi og var síðast formaður LÍÚ og forstjóri stærsta fisksölufyrirtækisins, Icelandic Group.

Það er ekki hægt að segja að hann skili góðu búi. Útvegsmenn hafa verið að vola út sérstaka skattalækkun vegna slæmrar rekstrarafkomu þrátt fyrir að þeir búi, að eigin sögn, við besta fiskveiðistjórnunarkerfi í heimi, og þar að auki hefur verðið sjaldan eða aldrei verið hærra á fiskafurðum.

Á þessu ári hefur gengi hlutabréfanna í Icelandic Group lækkað um nálægt 30% og fram kom í Viðskiptablaðinu að fyrirtækið hefði á þriðja ársfjórðungi tapað 2,5 milljónum evra. Það er erfitt að átta sig á því hvaða forsendur liggja að baki ráðningunni og hvaða hlutverk nýja forstjóranum er ætlað. Óneitanlega hvarflar að manni að þessi hópur, aðalleikararnir á hlutabréfamarkaði og forstjórar þeirra auk viðhlæjendanna, sé afar þröngur og menn líti ekki út fyrir þann garð til að finna menn til að stýra fyrirtækjum.


« Síðasta færsla | Næsta færsla »

Athugasemdir

1 Smámynd: Guðrún María Óskarsdóttir.

Sæll Sigjurjón.

Innilega sammála þér, það lítur nákvæmlega þannig út.

kv.gmaria.

Guðrún María Óskarsdóttir., 17.12.2007 kl. 01:29

2 Smámynd:  Grétar Rögnvarsson

Eru til útgerðarmenn á Íslandi sem eru í útgerð til að græða á henni, ansi fáir, til hvers er LÍÚ? Hagsmunasamtök hverra? Hverjir ákveða fiskverðið í flestum tilfellum? Jú útgerðamennirnir sjálfir þar sem þeir eru bæði kaupendur og seljendur, skrítin samtök, og óþörf.

Grétar Rögnvarsson, 17.12.2007 kl. 22:29

3 Smámynd: Valdimar Samúelsson

Þeir slátra líklega kompaníinu þá ná þeir miklum aur út. Kannski selja SAS og þá er ameríka opin fyrir þeim. Hver veit allaveganna þetta er gert til fjárs það eitt er víst.

Valdimar Samúelsson, 17.12.2007 kl. 22:36

4 Smámynd: Frjálslyndi flokkurinn í Eyjafirði

Já það er margt skrítið í kýrhausnum en eru þeir ekki hverjir á fætur öðrum að fljúga úr kvóthreiðrinu? - Sumir í útveg í öðrum löndum og aðrir í eitthvað allt annað s.s. bílainnflutning ofl

Frjálslyndi flokkurinn í Eyjafirði, 17.12.2007 kl. 23:48

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband