Enn og aftur dreifir prófessor í Háskóla Íslands fordómum

Það er nokkuð erfitt að átta sig á því Baldri Þórhallssyni gangi til með órökstuddum fullyrðingum sínum um Frjálslynda flokkinn á opinberum vettvangi, en Magnús Þór Hafsteinsson fjallar um vinnubrögð hans á heimasíðu sinni. 

Eitt er víst að Baldri er ekki annt um heiður sinn sem fræðimanns.

Ekki er úr vegi að rifja upp grein sem birtist snemma árs í Fréttablaðinu þar sem ég upplýsti lesendur blaðsins um mjög svo óvönduð og óvísindaleg vinnubrögð Baldurs Þórhallssonar prófessors Háskóla Íslands í stjórnmálafræði. 

Fordómar prófessorsins
Það er greinilegt að sá mikli fjöldi fólks sem tók virkan þátt í flokksþingi Frjálslynda flokksins um síðustu helgi hefur sett óhug að sjálfskipuðum varðhundum umræðunnar.

Frjálslyndi flokkurinn hefur verið í fararbroddi við að ræða ýmis mál sem brenna á þjóðinni en sjálfskipaðir verðir umræðunnar hafa reynt að þagga hana niður, s.s. umræðu um útlendinga og kvótakerfið.

Í fjölmiðlum hefur verið dregin upp mjög sérstök mynd af þeim nokkur hundruð Íslendingum sem tóku þátt í fundinum og samþykktu vandaða stjórnmálaáætlun flokksþingsins. Látið hefur verið að því liggja að þetta hafi verið samkoma sem hafi daðrað við hatur í garð fólks af erlendum uppruna. Það á ekki við nokkur einustu rök að styðjast og sýnir það að nauðvörn andstæðinga flokksins felst í að sverta samkomuna.

Mikið hefur verið gert úr ringulreið sem skapaðist um skeið þegar stór hópur fólks streymdi til skráningar á þingið skömmu áður en kosning átti að hefjast.

Morgunblaðið hefur gert mikið úr þeirri þvögu sem varð en sem starfsfólk þingsins greiddi farsællega úr þegar á leið. Og kosning fór fram eins og lög gerðu ráð fyrir. Ég vil nota tækifærið og hrósa því fólki sem vann óeigingjarnt starf á þinginu og réði fram úr ástandi sem ekki varð séð fyrir.

Enginn gerði athugasemd við framkvæmd kosningarinnar nema sá frambjóðandi sem fór halloka í sjálfum kosingunum eftir að úrstlit lágu fyrir og síðan komu helstu fylgismenn í kjölfarið.  Frambjóðandinn sem um ræðir hafði stefnt leynt og ljóst að því að fara úr Frjálslynda flokknum ef hún næði ekki undirtökunum í flokknum.

Það hefur verið með ólíkindum að fylgjast með því hvernig ýmsir reyna að sverta þann fjölda fólks sem tók þátt í lýðræðislegu starfi á vegum Frjálslynda flokksins.

Þó tók steininn úr þegar Baldur Þórhallsson sem starfar sem prófessor í stjórnmálafræði við Háskóla Íslands og á að stunda gagnrýnin vinnubrögð gleypti í fréttatíma RÚV í kvöld við öllum rangfærslum um framkvæmd kosninganna, miklaði þær og dró síðan í framhaldinu í efa trúverðugleika Frjálslynda flokksins.

Ekki veit ég til þess að prófessorinn hafi haft nokkurt samband við þá valinkunnu heiðursmenn sem sáu um framkvæmd kosninganna til þess að kynna sér málavöxtu.

Ég skora hér með á Baldur Þórhallsson, prófessor í Háskóla Íslands, að setja sig í samband við kjörnefnd Frjálslynda flokksins, setja sig inn málavöxtu og vera ekki að fella dóma sem byggðir eru á litaðri fréttamennsku flokksblaðs Sjálfstæðisflokksins

Athugasemdir

[Ásthildur Cesil Þórðardóttir, 27.4.2007 kl. 20:00]

Ég er algjörlega sammála þér Sigurjón um ófagmennsku þessa svokallaðs stjórnmálafræðings.  Ég hef lengi tekið eftir hvernig hann skrumskælir allt sem frá flokknum kemur og setur á versta veg.  Enda lít ég ekki á hann sem fræðimann, heldur fyrst og fremst sem varðhund krefisins.  Hlutlaus er hann ekki fyrir fimm aura. 

[Árni Gunnarsson, 28.4.2007 kl. 14:42]

Ég bendi Jóni Kristófer á að hætta að "lýta" svona mikið á pólitísk mál til að afflytja þau og mistúlka. Ég lít svo á að þegar stjórnmálafræðingi er fengið það hlutverk að gera úttekt á pólitískum flokki beri honum að halda eigin átrúnaði utan við málið. Honum ber að kynna sér átök innan flokka og afleiðingar þeirra áður en hann heldur um þá lærða fyrirlestra.

En á meðan Jón Kristófer heldur dampi við að útskýra fyrir okkur hvað við erum að segja er ég nú nokkuð bjartsýnn á pólitíska framtíð Frjálslynda flokksins. Maðurinn hefur hárglögga pólitíska sýn.

[Guðrún María Óskarsdóttir., 28.4.2007 kl. 16:02]

Já tek undir þetta með þér Sigurjón, það er of einfalt að koma eftir á og gleypa hrátt fréttir fjölmiðla í stað þess að kynna sér málin, sem fræðimönnum er alla jafna uppálagt að gera.

kv.gmaria.

[Guðrún Magnea Helgadóttir, 28.4.2007 kl. 17:18]

Hvernig væri að Frjálslyndir skriðu undan hulunni og framkvæmdu eitthvað varðandi bréf sent til allra alþingismanna dags 4.nóvember 2003 þá til að sannleikanum í Geirfinnsmálinu komi loks í ljós og varðar hvernig fólk , einstaklingar hafi verið neydd til að játa á sig glæp sem vinir löggunnar hafði framið. http://mal214.googlepages.com