"Grasrót" Alþýðusambands Íslands fundar með forsetum

ASÍ hefur blásið til fundar snemma á þriðjudagsmorgni, þar sem spurt er hvort að það fylgi íslensku krónunni blessun eða bölvun.

Ræðumenn á bölvunar eða blessunarfundi ASÍ eru :  Gylfi Arnbjörnsson forseti, eldheitur baráttumaður fyrir verðtryggingunni. Arnór Sighvatsson, einn æðsti ráðamaður Seðlabankans bæði fyrir og eftir hrun. Friðrik Már Baldursson forseti, sá sem skrifaði kostaða skýrslu nokkrum mánuðum fyrir hrun, um mikinn styrk íslenska fjármálakerfisins.  Ragnar Árnason hirðhagfræðingur LÍÚ, sá sem mat stöðu íslenska þjóðarbúsins gríðarlega sterka skömmu fyrir hrun og lagði til í ljósi þess gífurlegan niðurskurð á aflaheimildum. 

Ekki veit ég hvert svarið verður við spurningunni sem varpað er fram á fundinum, en eitt er víst að ekki hefur fylgt ráðum ræðumanna mikil blessun fyrir almenna félagsmenn ASÍ.

 

Athugasemdir

[Rakel Sigurgeirsdóttir, 10.1.2012 kl. 00:02]

Þetta hljómar virkilega lausnarmiðaður fundur eða þannig

[Berglind Steinsdóttir, 10.1.2012 kl. 00:10]

Nei, sko, ég ætla einmitt að fara á þennan fund á morgun. Voða spennt að heyra lausnirnar ...

[Ólafur Björn Ólafsson, 10.1.2012 kl. 00:16]

Ég hallast helst að því að um tilgangslaust kjaftababl verði að ræða og niðurstaðann í samræmi við það...

Þeir virðast ekki hafa neitt með tímann að gera annað en að bulla.

Með kveðju til ykkar allra

Kaldi

[Sigurður Haraldsson, 10.1.2012 kl. 00:19]

Birrr þvílíkt kjaftæði sem borið er á borð við okkur manni verður flökurt af þessu öllu saman

[Guðmundur Ásgeirsson, 10.1.2012 kl. 03:04]

Þvílíkt einvalalið ræðumanna.

Og fundarstjóri engin önnur en Þóra Arnórsdóttir!

Mikið er ég feginn að geta sofið út í fyrramálið.

[Gunnar Heiðarsson, 10.1.2012 kl. 08:10]

Það er ekki ónýtt fyrir ESBsamfylkinguna að hafa fréttamann úr sínum röðum sem fundarstjóra. Þessum fundi verður væntanlega gerð góð skil í fjölmiðlum og bullinu af fundinum verður örugglega gerð góð skil!

[Haldór Guðm. (IP-tala skráð) 10.1.2012 kl. 10:00]

Ef Jóhanna og Steingrímur hækka álögur á áfengi, tóbak og bezin, að þá skuli höfuðstóll verðtryggðrar innistæðu í banka hækka,þetta er náttúrlega fullkomlega galið, því það hafa engin verðmæti orðið til. Og að sama skapi hækka allar skuldir heimilanna í landinu, að sama skapi.

Þetta er náttúrlega fullkomlega galið, og ekkert skrítið, að fjármál heimilanna í landinu sé gjaldþrota.

Og gaman væri að þessi fundur ASÍ svari því hvort þetta hafi eitthvað með krónuna að gera.

[Sigurjón Þórðarson, 10.1.2012 kl. 10:15]

Það er engin furða að lítið sem ekkert breytist á Íslandi.

[Sigurður Ingólfsson, 10.1.2012 kl. 13:55]

Umræðuefnið er í anda fundarboðenda. Kannski komast þeir að niðurstöðu, hvort það er blessun eða bölvun sem fylgir krónunni.

[Sigurjón Þórðarson, 10.1.2012 kl. 14:10]

Þarna var komin saman "sérfræðingaelíta" fjórflokksins.

[Berglind Steinsdóttir, 10.1.2012 kl. 17:33]

Eina niðurstaðan varð sú að fjármálavandinn væri ekki krónunni að kenna, heldur lélegri hagstjórn til margra ára. Bjuggust þið við því?

[Guðmundur Ásgeirsson, 11.1.2012 kl. 19:02]

Mættirðu semsagt á þennan fund Berglind?

Ef þetta er eina niðurstaðan þá er það afar ánægjulegt því það er sannleikanum samkvæmt. Það er hægt að viðhafa lélega hagstjórn í hvaða gjaldmiðli sem er. Nóg er að líta vestur um haf eftir dæmum.

Gjaldmiðill er ekki osakavaldur heldur afleiðing ákvarðana.

[Berglind Steinsdóttir, 11.1.2012 kl. 20:54]

Já, ég mætti en aðeins of seint og missti eiginlega af erindinu hans Gylfa. Arnór las af blaði og rak stundum í vörðurnar þannig að ég var ekki alveg viss um leiðina sem hann var á. Friðrik kom mér á óvart vegna þess að mér hafði skilist að honum hefði verið vikið úr stjórn Hafró vegna Evrópu- og evruáhuga (gæti verið misskilningur hjá mér) en honum fannst að minnsta kosti óþarfi að láta sér detta í hug að taka einhliða upp annan gjaldmiðil núna (og aldrei norsku krónuna). Ragnar var alveg skýr með það að hagstjórnin væri langtímavandinn, ekki gjaldmiðillinn.

Ég ætla ekki að halda því fram að þessir fjórir séu á einu máli um þetta en aðrar niðurstöður voru ekki skýrar - ef einhverjar. Ég hafði ekki tíma til að sitja undir umræðunum. Þær urðu ef til vill líflegar, nokkrir fóru strax á mælendaskrá.