Guðbjartur Hannesson vill stefnu Sjálfstæðisflokksins

Á Sprengisandi nafna míns Egilssonar var meðal gesta á öðrum í jólum, Guðbjartur Hannesson velferðarráðherra sem nú hefur tekið að sér enn og aftur, að móta tillögur ríkisstjórnarinnar í sjávarútvegsmálum. 

Á kjörtímabilinu hefur ríkisstjórnin hert á óréttlæti kvótakerfisins frekar en hitt, en hún hlutaði makrílkvótanum til fárra útvaldra.

Í viðtalinu á Sprengisandi kom fram sérkennilegt viðhorf hjá Guðbjarti  á því hvernig hann ætlar á næstu vikum, að nálgast verkefnið að gera tillögur að breytingum á kvótakerfinu.  Ekki var ætlunin að taka mið af stefnunni sem Samfylkingin bar upp við kjósendur í síðustu kosningum eða að tryggja jafnræði sbr. álit Mannréttindanefndar Sameinuðu þjóðanna.  Nei að mati ráðherrans var mikilvægast að hafa það að leiðarljósi að tillögurnar yrðu með þeim hætti, að þær yrðu pólitískum andstæðingum ekki mjög á móti skapi og þeim ekki breytt þó svo að andstæðingarnir kæmust til valda.

Þessi berorði málflutningur Guðbjarts staðfesti það sem æ fleiri kjósendur átta sig á, að það sé sami rassinn undir öllum þingmönnum fjórflokksins.   

Athugasemdir

[Einar Guðjónsson, 26.12.2011 kl. 13:39]

Guðbjartur er þjóðernissinnaður fasisti sem selur sig sem ''jafnaðarmann''. Tvímælalaust hættulegasti ráðherrann í ríkisstjórninni.

[Haraldur Baldursson, 27.12.2011 kl. 12:00]

Hjá sumum er stefna er bara verkfæri sem notað er fyrir kosningar og í besta falli gagnleg þegar hún fellur, fyrir tilviljun, að framkvæmd.