Leita í fréttum mbl.is

Tillögur um lokaða fundi og "trúnað"

Ég hef áður fjallað um  1,2, nefnd sem ætlað var að fara með gagnrýnum hætti yfir eitt mesta hagsmunamál þjóðarinnar sem er stjórn fiskveiða og þá möguleika að auka veiðar.  Niðurstaða nefndarinnar komu ekki á óvart en þeir sem réðu ferðinni í nefndarstarfinu voru þeir sem bera ábyrgð á núverandi nýtingarstefnu.

Ég hef verið að taka saman umsögn Frjálslynda flokksins um skýrsluna. Eina nýja framlag skýrslu samráðsvettvangs  ef svo má kalla, er að leggja til að skipuð verði „formleg stjórnsýslunefnd um nýtingarstefnu fyrir nytjafiska“. Verkefni nefndarinnar og verklag eru m.a. meta hagfræðilegar, líffræðilegar, félagsfræðilegar, tölfræðilegar og umhverfisfræðilegar forsendur nýtingarstefnu. Auk þess að vera í samráði við alþjóðastofnanir og stunda víðtækt kynningar og samráðsstarf um land allt.  Mér sýnist sem að fyrirhugað umfang sé slíkt að hver meðalstór ríkisstofnun geti verið fullsæmd af viðlíka verkefnum.

Það sem mér fannst óneitanlega furðulegt er að í miðri endurreisn skuli vera lagt til að fyrirhuguð formlega stjórnsýslunefndinni skuli vera ætlað að halda lokaða fundi með hagsmunaaðilum og gæta sérstaks "trúnaðar" með tillögur nefndarinnar, sérstaklega þegar haft er í huga verið er að véla með sameign þjóðarinnar.


« Síðasta færsla | Næsta færsla »

Athugasemdir

1 Smámynd: Haraldur Baldursson

"lýðræðisleg" vinnubrögð "norrænu velferðastjornarninnar" eru verri en þetta var hjá Geir Haarde. Þar bjuggum við íbúar, þrátt fyrir allt, við gagnrýna fjölmiðla.

Í dag fæst ekki nýtilegur blaðamaður til að ræða þessi mál. Sameign þjóðarinnar sem hugtak í þessu samhengi er í besta falli slakur brandari. Um sinn fær því arðránið vinnufrið.

Haraldur Baldursson, 14.11.2011 kl. 08:37

2 Smámynd: Eyjólfur Jónsson

Jú víst er umfjöllun og veit hann Sigurjón alveg hvað ég meina með því þar sem fjallað er um vikufundina okkar Brautarholtinu. Þar er trúnaður en þar er ekki verið að laumast með skoðanir grasrótarflokkanna og allt er opið upp á gátt og ræðurnar eftir því góðar.

Eyjólfur Jónsson, 14.11.2011 kl. 21:21

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband