Kjaftæðið í Reyni Trausta

Enn hneigjast því miður eftir hrun íslenskir fjölmiðlar til að reka ákveðna stefnu fyrir mönnum og málefnum í stað þess að segja fréttir og fara nokkurn veginn rétt með. Gengið er jafnvel svo langt að skálda upp einhverja atburðarás sem stenst enga skoðun.

Í Mogganum er kvótakerfið enn best í heimi þrátt fyrir að það skili einungis broti af þeim botnfiskafla sem veiddur var á Íslandsmiðum fyrir daga kerfisins og brjóti þar að auki í bága við jafnræði borgaranna!

Í DV er rekinn harður áróður fyrir aðild landsins að Evrópusambandinu með samþykkt Icesave. Sömuleiðis á Björgólfur Thor, ábyrgðarmaður Icesave-ósómans, einhverra hluta vegna öruggt skjól á síðum blaðsins. Eitt sem notað er í áróðri þess fyrir Evrópusambandsaðild Íslands er að halda því á lofti að það sé órækur vottur um þjóðernishyggju að vera efins um inngöngu í ESB. Ekki fer á milli mála í umfjöllun blaðsins að þjóðernishyggja eða þjóðræknishyggja sé af hinu vonda og nánast notað sem skammaryrði. Dæmi um alvarleg brot og hættulega tilburði, að mati hreintrúarmanna DV, í átt að þjóðhyggju er að geðjast að íslenskum mat og flagga íslenska fánanum.   

Nýlega greindi ritstjóri DV, Reynir Traustason, frá kenningu sinni um að meint endalok Frjálslynda flokksins hefðu orðið vegna þjóðernishyggju Frjálslynda flokksins sem kjósendur hafi hafnað. Nú er það svo að Frjálslyndi flokkurinn er starfandi stjórnmálaflokkur sem hefur ekki sagt sitt síðasta orð og á kjörna fulltrúa í sveitarstjórnum. Algerlega er út í hött að gera því skóna að slæmt gengi flokksins í alþingiskosningunum á vordögum 2009 megi skrifa á meinta þjóðernishyggju.  Flokkurinn beitti sér fyrir nauðsynlegri umræðu um málefni erlends vinnuafls á haustdögum 2006 sem andstæðingar flokksins reyndu að gera tortryggilega og sverta þá sem ræddu þau mál sem brunnu á almenningi eins og Heimir Karlsson benti líka réttilega á í útvarpsþættinum þar sem Reynir lét dæluna ganga um þjóðernishyggju Frjálslynda flokksins. Reyndar var aðalmál Frjálslynda flokksins í aðdraganda kosninga 2007 afnám verðtryggingar, kvótamál og váleg staða í efnahagsmálum þjóðarinnar. Staðreyndin er sú að þá fulltrúa flokksins sem lágu undir þungum ásökunum, s.s. Jón Magnússon, vegna málflutnings í umræðu um útlendinga var ekki að finna á framboðslistum Frjálslynda flokksins vorið 2009. Reyndar virðist þingmaðurinn fyrrverandi, Jón Magnússon, hafa verið endurreistur og hvítskúraður við það eitt að ganga á ný í Sjálfstæðisflokkinn og sýnir það ágætlega tvískinnunginn í umræðunni.

Gengi Frjálslynda flokksins vorið 2009 má miklu frekar rekja til ósættis í þingflokknum í aðdraganda kosninganna, svo og að stjórnarflokkarnir Vg og Samfylkingin tóku upp baráttumál Frjálslynda flokksins í sjávarútvegsmálum sem ríkisstjórnin hefur reyndar síðan svikið. Kosningasvikin hafa m.a. leitt til þess að varaþingmaður Samfylkingarinnar sagði sig úr flokknum og megn óánægja er með störf Jóns Bjarnasonar sjávarútvegsráðherra.

Kenning Reynis Traustasonar er því eins og hvert annað kjaftæði sem stenst enga skoðun.  Væntanlega er þetta rugl sett saman til  þess að greiða götu Íslands inn í ESB og mögulega má vera að óvild DV stjórnist af einarðri afstöðu Frjálslynda flokksins gegn kvótakerfinu.

Athugasemdir

[Ásthildur Cesil Þórðardóttir, 29.8.2011 kl. 19:14]

Sammála þessu.  Og megi hann hafa skömm fyrir.

[Haraldur Baldursson, 29.8.2011 kl. 19:29]

Reynir má eiga það að hann er skemmtilegur í orðræðu...sorglega lítið þjakaður af sannleikan að vísu, en skemmtilegur.

xF er er að vísu ekki flokkur mjög loðinn um lófana, né er hann heldur þjakaður af ríflegri fjölmiðlaumfjöllun, en eitt hefur hann fram yfir aðrar flokka; Hugmyndir hans og stefna hefðu svo sannarlega mátt vera iðkuð af fjórflokknum. Með því móti hefði mátt draga úr fallinu stóra við kreppuna.

En xF er ekki bara flokkur fortíðar sem einblínir á það sem hindrahefði mátt. Lausnir eru það sem héðan í frá sem hingað til marka flokkinn og stefnu hans.

Steindauðir blýantnagarar finna sér illa sess á meðal flokksmanna.

Stefna frjálslyndis gengur út á minnkandi ríkisafskipti og forsjá. Stefnan gengur út á það að fækka þeim mjólkurfræðingum (hér er ekki á við þá göfugu stétt sem lærði alvöru mjólkurfræði) sem lagst hafa á jöttu ríkis og bæja og hjálpa ríkulega til við að eyða almannafé.

Frjálslyndið er EINA leiðin sem virkar gegn spillingu.. jú með því að minnka ríkis-rjómakökuna nægjanlega mikið, svo ekkert sé eftir til ásælni fyrir spilltar klíkur samfélagsins.

Stefna frjálsyndis, er að fólk kunni sjálft fótum sínum forráð og með minnkandi skattbyrði losni um fótjárn ríkisvaldsins.

Sú stefna sem ég vona að xF marki sér, er kröftugur niðurskurður í ríkisumsvifum, það kröftugur að tekjuskattar (með útsvari...hluti Vsk renni til sveitarfélaga) hverfi með öllu.

Þetta krefðist mikils niðurskurðar og það væri fátt skemmtilegra en að fá að taka þátt í því.

[Ásthildur Cesil Þórðardóttir, 29.8.2011 kl. 22:09]

Heyr Heyr!!

[Gunnar Waage, 29.8.2011 kl. 22:57]

Sko Sigurjón,

DV er bara ríkisstjórnar-áróðurstæki. Athugaðu bara hvaðan peningarnir komu fyrir kaupverðinu á blaðinu (follow the money). Slóðin stöðvast við framlag alþingis til stjórnmálahreyfinga.

[Jóhann Elíasson, 29.8.2011 kl. 22:58]

Að sjálfsögðu svertir Reynir Traustason alla sem hallmæla kvótakerfinu, hann efnaðist jú á því................

[Ásthildur Cesil Þórðardóttir, 29.8.2011 kl. 23:03]

Hélt að gaurinn vissi betur komandi frá Flateyri. 

[Jóhann Elíasson, 29.8.2011 kl. 23:21]

Eiginhagsmunapólitíkin lætur ekki að sér hæða.  Og hann Reynir Traustason hefur ekki þótt merkilegur "pappír".

[Jón Valur Jensson, 30.8.2011 kl. 01:28]

Reynir er í einni (fjárhags)sæng með þeirri vinkonu Strauss-Kahns, Lilju Skaftadóttur, sem er engu síður æstur ESB-sinni en karlinn sá og barðist klóklega og grimmt fyrir því að Borgarahreyfingin skyldi samþykkja ESB-umsóknarsinnaða stefnu. Þegar þingmenn flokksins vildu ekki þókknast Lilju í þessum málum, tók hún því ákaflega illa, er mér sagt. Það fer naumast hjá því, að ESB-stefna Lilju, sem á 50% í DV, liti stefnu blaðsins. Og þannig erum við þá með þessa fjölmiðla, sem allir hallast að því að láta fyrirgera fullveldi landsins í gímaldið á auðhringastýrðu stórveldinu ESB: Fréttablaðið, Fréttatímann, DV, Stöð 2, Bylgjuna og Rúvið. Einu frétta- og þjóðfélagsumræðu-miðlarnir, sem taka ekki þátt í þessu, eru Morgunblaðið, ÍNN og Útvarp Saga, og þó reka einnig þar áróðurstíkur ESB fram nefið og mæla með uppgjöf lýðveldisins.

[Jón Valur Jensson, 30.8.2011 kl. 01:30]

Og lærdómurinn, sem lesendur þessarar vefsíðu mega draga af þessu, er sá, að engum er til setunnar boðið, þegar stefnt er að því að innlima land okkar í erlent stórveldi.

[Jón Valur Jensson, 30.8.2011 kl. 01:40]

Og þetta er alver rétt hjá þér, Reynir, að á ómerkilegan hátt reynir DV að varpa rýrð á þá menn og þau samtök sem berjast fyrir fullveldi þjóðar okkar, þar (í blaðinu) ríkir sami andinn og í Fréttablaðinu: að hæðast að slíku fólki með ýmsum hætti. Með því kunna sumir blaðamennirnir að vera að þjóna lund sinni, en trúlega eigendum sínum um leið.

[Jón Valur Jensson, 30.8.2011 kl. 01:42]

Ég verð að setja þetta innlegg inn aftur, með mikilvægri nafnbreytingu! (Endilega þurrkaðu hitt út, með röngu nafni á þér, Sigurjón!)

Og þetta er alveg rétt hjá þér, Sigurjón, að á ómerkilegan hátt reynir DV að varpa rýrð á þá menn og þau samtök sem berjast fyrir fullveldi þjóðar okkar, þar (í blaðinu) ríkir sami andinn og í Fréttablaðinu: að hæðast að slíku fólki með ýmsum hætti. Með því kunna sumir blaðamennirnir að vera að þjóna lund sinni, en trúlega eigendum sínum um leið.

[Guðrún María Óskarsdóttir., 30.8.2011 kl. 02:18]

Fyrrverandi formaður flokksins sá um það ásamt dyggilegum stuðningsmönnum að ýta fólki á brott úr flokknum með aðferðafræði við lýði, sem er alls óskyld nokkurs konar þjóðernishyggju en flokkast undir skipulagsleysi, og skort á lýðræði ásamt alíslensku flokksræði.

kv.Guðrún María.

[Heiða B Heiðars (IP-tala skráð) 30.8.2011 kl. 09:15]

Það er soddan öndvegismaður sem raðkommentar hérna að ég legg varla í að segja hlægja upphátt af bullinu. En ég hlæ af öðru bulli hérna

Auðvitað voru það rasískir innanstokksmenn Frjálslyndra sem gengju af flokknum dauðum. Það veit hver heilvita maður.

Hins vegar er þar ágætis fólk núna og vonandi réttir flokkurinn úr kútnum

[Sigurjón Þórðarson, 30.8.2011 kl. 10:23]

Og nú er það einn aðalstjórnandi DV og hægri hönd Lilju Skaftadóttur sem lepur upp kjaftæðið í Reyni án þess að rökstyðja það í nokkru.

[Ásthildur Cesil Þórðardóttir, 30.8.2011 kl. 12:12]

Það vona í líka Heiða mín. 

[Árni Gunnarsson, 30.8.2011 kl. 12:29]

Það töluðu margir um rasisma í Frjálslynda flokknum og það tala margir um hann enn.

Undarlegt finnst mér að enginn benti nokkru sinni á hvar þessa rasismaboðun var að finna og þess vegna var auðvitað aldrei um svör að ræða eða að tekist væri á um nokkurn hlut.

"Auðvitað voru......Það veit hver heilvita maður....."

Aldeilis þunginn í þessari ályktun!

En þetta ómerkilega kjaftæði varð til þess að engin stefna var mótuð á Íslandi um málefni innflytjenda og því stöndum við ennþá berskjölduð og þó fremur berrössuð í hverju því efni sem snertir samskipti við fólk af erlendu þjóðerni sem leitar hingað.

Og hvernig skýldi svo lendingin verða í tengslum við tilboð kínverska kommúnistans í Grímsstaði á Fjöllum?

Spurning hvort lögin verði sveigð og verðmiðinn: Ísland = 360 milljarðar ísl. kr. verði sendur út á netinu.

[Gunnar Waage, 30.8.2011 kl. 17:48]

Það er bara einn bullari hér, Heiða B. og það ert þú. Ertu búin að gleyma því þegar ég snéri þér á hvolf síðast í umræðum um þetta sama mál ?

25 milljónir á ári sem þú og þitt lið í Borgarahreyfingunni hafið tekið við sem þöggunar og þægnisfé frá ríkisstjórninni á ári.

Að þú skulir dirfast að verja ykkar gjörðir í þessum efnum síendurtekið og sem fyrrv. formaður Borgarahreyfingarinnar. Þú ert ekki annað en freeloader ásamt Gunnari Sig. og Lilju Skaptadóttur eiganda DV og meðstjórnanda í Borgarahreyfingunni.

DV er ríkisstjórnarbleðill frá helvíti sem drullar kerfisbundið yfir alla þá sem ekki þægjast þessa sjálftökuríkisstjórn. Lilja keypti blaðið og Lilja var eini kostandi á kosningabarráttu Borgarahreyfingarinnar.

Nú eruð þið farin að kær hvert annað innbyrðis fyrir þjófnað, hverjum er ekki sama hver stelur frá öðrum þjóf.

[Gunnar Waage, 30.8.2011 kl. 17:52]

p.s. meðan að Lilja skaptadóttir dansar á kjöltu Össurar, þá er hún Heiða blessunin hérna, lappdansari Reynis