Fals Jóhönnu Sigurðardóttur

Í gegnum árin hefur Jóhanna Sigurðardóttir slegið sér upp á því að þykjast ætla að standa vörð um lífeyrisþega og afnema verðtrygginguna. Í aðdraganda síðustu kosninga sagðist formaður Samfylkingarinnar ætla að beita sér fyrir gangsæi, taka á skuldavanda heimilanna og illræmdu kvótakerfi í sjávarútvegi.

Jóhanna hefur í tveggja ára forsætisráðherratíð sinni sagt eitt og annað og haldið tilfinningaþrungnar ræður um að eitthvað eigi að fara að ske eftir næstu helgi eða þá þarnæstu helgi í fyrrgreindum málaflokkum.

Ef verk ríkisstjórnarinnar eru hins vegar skoðuð þá blasir við að ríkisstjórnin hefur fyrst og fremst ráðist að kjörum lífeyrisþega, bjargað og gengið undir allt of stóru gjaldþrota fjármálakerfi á meðan skuldsett heimili hafa verið látin sitja á hakanum.

Í ræðu sinni á flokksþingi Samfylkingarinnar boðaði Jóhanna breytingar á kvótakerfinu eins og hún gerði í áramótaávarpinu og ræðum fyrir kosningar.  Málið er bara að reynsla sl. tveggja ára sýnir að ekki er hægt að taka mikið mark á tali forsætisráðherrans.  Sáttanefndin sem Guðbjartur Hannesson stýrði um breytingar á fiskveiðistjórnunarkerfinu fól í sér að festa ætti kerfið í sessi! 

Ef að einhver snefill af meiningu væri að baki þessu tali forsætisráðherra um að breyta kvótakerfinu, þá væri hún t.d. fyrir löngu búin að taka upp viðræður við þá tvo harðduglegu sjómenn sem sóttu mál sitt fyrir Mannréttindanefnd Sameinuðu þjóðanna. Áliti nefndarinnar, sem orðið er þriggja ára gamalt var skýrt og fól það í sér að stjórnvöld ættu að breyta óréttlátu kerfi og greiða viðkomandi sjómönnum bætur.  Í stað að taka upp viðræður þá ákveður forsætisráðherrann með fullum stuðningi framkvæmdastjórnar Samfylkingarinnar að sniðganga bindandi álit Mannréttindanefndar Sameinuðu þjóðanna og senda sjómennina sem hafa staðið í áratuglangri baráttu í enn eina ferðina fyrir dómstóla landsins til þess að knýja á um að stjórnvöld fari að bindandi áliti.

Mikil er skömm Jóhönnu Sigurðardóttur í þessu máli.   

 

Eigum ekki að „hræra í innyflum hvers annars“

Athugasemdir

[Einar Þór Strand, 30.1.2011 kl. 14:11]

Álit mannréttindanefndar SÞ er ekki bindandi frekar en annað sem kemur frá SÞ.

[Ólafur Örn Jónsson, 30.1.2011 kl. 15:46]

Já Já Einar svo ekkert er að því að hér séu brotin á mönnum lög? Lög um athafna frelsi og málfrelsi?

Já Sigurjón náttúrulega á þjóðin að fá að kjósa um hvort hér verður áframhaldandi kvótakerfi að sóknarmarkskerfi. Sjálfstæðisflokkurinn er höfundur sóknarmarks og ætti að fagna því og styðja ríkistjórnina í að setja í þjóðaratkvæðagreiðslu val um sóknarmark.

[Sindri Karl Sigurðsson, 30.1.2011 kl. 15:59]

Sóknarmark gerir þá sem taka þátt í því að öreigum, ásamt okkur hinum. Lestu söguna frá 1965-1995 eða svo og síðan skulum við tala saman um breytingar á kerfinu.

[MargrétJ (IP-tala skráð) 30.1.2011 kl. 16:55]

Jóhanna er einhver mesti svikari í íslenskri pólitík fyrr og síðar.  Sjaldan eða aldrei hefur nokkur stjórnmálamaður, svikið loforð sín jafn herfilega.  Þessi kerling hefur setið á þingi í 30 ár eða meir og látið þjóðina halda að hún beri hag hennar fyrir brjósti.  ALLT annað hefur komið á daginn og nú er okkur vinstri mönnum dagljóst að hún er ekkert annað en úlfur í sauðagæru.

[Valsól (IP-tala skráð) 30.1.2011 kl. 18:02]

Hvernig er að vera í flokki sem er fyrir löngu dauður?

[Sigurjón Þórðarson, 30.1.2011 kl. 18:43]

Einar Þór, jú það er bindandi og það hefur ríkisstjórn Sjálfstæðisflokki og Samfylkingar og sömuleiðis ríkisstjórn Samfylkingar og Vg fallist á en hafa hingað til reynt að snúa út úr álitinu og slá því á frest að uppfylla það.

Ólafur, Verk Sjálfstæðisflokksins hafa á umliðnum áratug algerlega farið gegn hugsjónum sem flokkurinn segist vinna eftir þ.e. einstaklings og athafnafrelsi.  

Sindri Karl, ég hef kynnt mér söguna en á þessu árabili sem þú bendir á var hröð uppbygging á Íslandi.

Margrét J, Það er ágætt að hafa það í huga að þau Steingrímur J. sameinuðust um það fyrir um tveimur áratugum að styðja framsal veiðiheimilda sem var upphafið af gríðarlegri skuldsetningu og rugli í útgerðinni.

Valsól, er nú ekki pínu þversögn í þessum málflutningi þínum?

Annars þá líður mér vel þakka þér fyrir er nýkominn úr lauginni í Hofsósi.

[Ólafur Örn Jónsson, 30.1.2011 kl. 19:14]

Sindri Karl ég lifði söguna og það var sóknar mark frá 1978 til 1984 og veit ég af eigin reynslu að kerfið virkaði vel og gerði mönnum jafn hátt undir höfði. Fyrstu tvö árin í kvótakerfinu sýndu siðar svo ekki var um villst að þorskstofninn hafði tekið stökk uppá við. Öll árin í kvótakerfinu hafa kostað þjóðina tekjur vegna rangra ákvarðanna. Í kvótaerfinu hefur þjóðin misst af nýtingu minnst 5 stórra stofna sem ekki voru veiddir.( vægt áætlað 20 milljarðar) Í sóknarmarkinu voru keypt til landsins fleiri skip en allan tíman í Kvótakerfi. Svo ég næ ekki hvað þú ert að fara. Það stendur kristal tær fullyrðing mín að ekkert fær menn til að mæla með kvótakerfi nema hótanir, heimska og græðgi. Ég stend við þetta hvenær sem er.

[Ólafur Örn Jónsson, 30.1.2011 kl. 19:25]

Sigurjón ég var einn af stofnendum FF en var neyddur til að hætta öllum afskiptum af stjórnmálum þegar Þorsteinn Már kom ásamt fleiri útgerðaraðilum í Hampiðjuna þar sem vann og hótuðu að hætta öllum viðskiptum við fyrirtækið ef ég yrði ekki tafarlaust rekinn frá fyrirtækinu. Já "frelsiseinstaklingsins til athafna" er orðin háðung á Sjálfstæðisflokknum en forystan skilur ekkert hvað er að gerast og eltir bara skottið á Máa í blindni. Davíðisminn hefur leitt þjóðina í gjaldþrot. Hvers vegna reynir þetta fólk ekki að fara aftur í rótina og finna aftur flokkinn fyrir Davíð

[Sigurgeir Jónsson, 30.1.2011 kl. 22:33]

Fjálslyndiflokkurinn á sér lífsvon, ef hann myndar sér skýra stefnu í öllum málum til eflingar landsbyggðar og leggur af gjaldþrotastefnu sína í sjávarútvegi. og ekki síst rekur alla úr flokknum nema formanninn, svo hægt sé að byrja á nýjum grunni.

[Sigurgeir Jónsson, 30.1.2011 kl. 22:39]

Ég kem með þá hugmynd að aðeins þeir fengju að vera í Frjálslyndaflokknum, sem gætu synt hálft Drangeyjarsund í ágúst, og síðan verði farið í það að endurskipuleggja flokkinn.Þetta útilokar bæði Grétar Mar og Adda Kitta Gauj frá flokknum og þá er von að hann lifni við.

[Vendetta, 31.1.2011 kl. 00:28]

Það þarf líka að koma í veg fyrir að fólk eins og Kristinn Gunnarsson og Jón Magnússon fái að ganga í flokkinn. Síðast þegar það gerðist, þýddi það banastunguna fyrir flokkinn sem þegar var orðinn óvirkur undir forystu Guðjóns.