Leita í fréttum mbl.is

Ruglið heldur áfram í Háskóla Íslands

Sök fræðasamfélagsins á hruninu er mikil þar sem almenningur stóð í þeirri trú að hægt væri að treysta háskólunum fyrir skynsamlegum og gagnrýnum niðurstöðum í álitamálum. Hluti háskólafélagsins sem t.d. afurðir Tryggva Þórs Herbertssonar og Mishkins, Friðriks Más Baldurssonar og Porters bera með sér var keyptur af sérhagsmunaöflum. Skýrsluskrifin gáfu útrásarliðinu skálkaskjól til þess að halda áfram að grafa undan hagsmunum þjóðarinnar og sömuleiðis stjórnmálamönnunum sem vissu betur og nú neyðast til að svara til saka kost á því að ljúga að þjóðinni og umheiminum.

Í Morgunblaðinu í dag er frétt af rannsóknum nýbakaðs dósents Daða Más Kristóferssonar við hagfræðideild Háskóla Íslands sem benda sterklega til þess að ruglið í Háskóla Íslands haldi áfram eftir hrun eins og ekkert hafi í skorist. Fréttir af helstu niðurstöðum Daða Más gefa til kynna að Íslendingar hafi komið á hagstæðasta fiskveiðistjórnunarkerfi sem völ er á í víðri veröld og varasamt sé að breyta því á nokkurn hátt þar sem búið er að fjárfesta svo mjög í greininni. 

Fræðimaðurinn Daði Már Kristófersson virðist ekki hafa frétt af því í skilyrtum útreikningum sínum á auðlindarentu að þorskaflinn - eftir að fína kerfið sem hann vill ekki breyta var tekið upp - sé einungis þriðjungurinn af því sem hann var fyrir daga kvótakerfisins. Eflaust þykir vísindamanninum mannréttasjónarmið léttvæg og eiga skilyrðislaust að víkja fyrir meintri hagræðingu og það finnst honum vafalaust sömuleiðis um þá ágalla kerfisins sem fela í sér að það hvetur til brottkasts.  Fullyrðingar dósentsins við Háskóla Íslands um að frjálst framsal á veiðiheimildum hafi leitt til mikillar fjárfestingar í sjávarútvegi er einfaldlega kolröng og býst ég við því að fræðimaður með faglegan metnað vilji leiðrétta þá fullyrðingu. Frjálst framsal á aflaheimildum hefur leitt til gífurlegs fjármagnsflótta út úr sjávarútveginum og er útgerðin vart rekstrarhæf nema að fá umtalsverðar afskriftir á lánum. Ef farið er um hafnir landsins sést vel að togarar og atvinnutæki eru komin til ára sinna þannig að augljóst er að fjármagnið hefur runnið út úr atvinnugreininni.

Sú spurning hlýtur að vakna hvernig svona gervifræði í hagfræðideildinni horfi við hinum almenna háskólamanni sem ástundar gagnrýna hugsun og er annt um orðspor Háskóla Íslands.


« Síðasta færsla | Næsta færsla »

Athugasemdir

1 Smámynd: Haraldur Baldursson

Skilyrt blinda keyptra fræðimanna á kannski ekki við hér...þó ég hafi engar upplýsingar um það...en það skortir augljóslega á gagnrýna hugsun fræðimanna þegar kemur að kvótakerfinu. 100-300 milljarðar synda um ónýttir og engum til gagns. Þjóð sem hefur alla möguleika til að verjast efnahagslegum áföllum og standa á eigin fótum, er komin að sultarmörkum. Millistéttin er að þurrkast upp og hverfa...fyrir hvað ? Fyrir elítur kvótaeigenda og ESB-aðdáenda.

Haraldur Baldursson, 25.9.2010 kl. 14:13

2 identicon

Hér talar þú eins og ráðherrar ríkisstjórnar fyrir árið 2007 eða eins og tíminn fyrir hrunið sjálft hafi ekkert haft með hrunið sjálft að gera. Heldurðu að sú gegndarlausa veiði sem var stunduð fyrir daga kvótakerfisins hafi ekkert með stærð stofnsins í dag að gera?

Þórður Ingi (IP-tala skráð) 25.9.2010 kl. 14:25

3 Smámynd: Jóhannes Laxdal Baldvinsson

Gervihagfræði er nákvæm lýsing á svona fræðimennsku þar sem búin er til kenning og hún síðan sönnuð með forsendum sem passa

Annar háskólamaður sem var keyptur til að gefa framsalskvótakerfinu ákveðinn trúanleika, er Helgi Áss Grétarsson, bróðir Guðfríðar Lilju, og ég hef áhyggjur af því alræðisvaldi sem Jón Bjarnason hefur, í ljósi þessara tengsla. Hætt er við að hann taki um of mark á sjónarmiðum gervivísindanna og guggni á því réttlætisverki sem afnám framsalsgjafa-kvótakerfisins er. 

Jóhannes Laxdal Baldvinsson, 25.9.2010 kl. 14:26

4 Smámynd: Sigurjón Þórðarson

Nú er það svo Þórður Ingi að þetta uppbyggingastarf sem gengur út á að veiða minna núna til að geta veitt meira seinna hefur verið látið ganga yfir þjóðina allt frá því á tíunda áratug síðustu aldar.  Þetta seinna hefur ekki komið enn og mun ekki koma þar sem aðferðin stangast á við viðtekna vistfræði.  Samt er haldið áfram að gera sömu hlutina aftur og aftur og enn og aftur búast reiknisfiskifræðingar við annarri niðurstöðu en áður.

Þessi kenning að það veiðist minna núna vegna þess að veitt var of mikið fyrir 20 árum er svona álíka og að kenna afa sínum um lélegan heyfeng vegna þess að hann hafi slegið niður í grassvörð endur fyrir löngu.

Sigurjón Þórðarson, 25.9.2010 kl. 14:36

5 Smámynd: Sigurjón Þórðarson

Jóhannes, það er vissulega rétt að hafa áhyggjur af Jóni en hann er í vafasömu slagtogi þarna inn í Vg með mörgum sem enn aðhyllast reiknisfiskfræðina sem reiknar stærð fiskistofna marga áratugi fram í tímann og jafnvel einnig aftur tímann allt til steinaldar. 

Við verðum að vona treysti meira á sína eigin menntun sem búfræðings til þess að ráða fram úr hlutum.

Sigurjón Þórðarson, 25.9.2010 kl. 14:41

6 Smámynd: Jóhannes Laxdal Baldvinsson

Síðan þarf að árétta það enn og aftur að kvótakerfið var ekki sett vegna ofveiði. Kvótakerfið var sett á til að tryggja LÍÚ alla kökuna og koma í veg fyrir samninga við útlendinga innan 200 mílna. Utfærslan 1977 krafðist þess að við gætum sýnt fram á að stofnarnir væru fullnýttir. Og ríkissjóður í gegnum fiskveiðasjóð hafði einfaldlega ekki fjármagn til að byggja upp og viðhalda nægilega stórum flota. Þess vegna voru umhverfisbreytingar í hafinu túlkaðar mjög þröngt af Hafró sem ofveiði, þegar nær hefði verið að kenna um hitabreytingum á landgrunninu sem ral þorskinn af hinni hefðbundnu grunnslóð og útí djúpkantana sunnan og vestanlands og útaf Vestförðum. Notkun hitanema sýndi nákvæmlega hvernig þorskurinn elti þessi hitaskil. Hann hélt sig í kalda sjónum 0-2° C en forðast hlýja sjóinn. Á þessum árum átti Hafrannsóknarstofnun ekki svona tæki. Og enn þann dag í dag skilja fiskifræðingarnir ekki að fiskur flytur sig um set miðað við lífsskilyrðin í hafinu. Ennþá byggir Hafró allar stofnstærðarmælingar á togara og netaralli þar sem veitt er á sömu slóðum ár eftir ár. Sannir aflamenn hlæja að svona vísindaaðferðum en á þá er ekki hlustað.

Jóhannes Laxdal Baldvinsson, 25.9.2010 kl. 15:06

7 Smámynd: Óskar Þorkelsson

JLB kemur með góðan og athyglisverðan punkt í umræðuna..

kvót :Síðan þarf að árétta það enn og aftur að kvótakerfið var ekki sett vegna ofveiði. Kvótakerfið var sett á til að tryggja LÍÚ alla kökuna og koma í veg fyrir samninga við útlendinga innan 200 mílna.

Óskar Þorkelsson, 25.9.2010 kl. 15:27

8 identicon

Brottkastið er miklu meira vandamál í dæminu öllu en flestir vilja viðurkenna. Það má hinsvegar ekki horfa á það eingöngu frekar en aðra þætti, það leiðir til alhæfinga, það skal viðurkennt. Reikningsfiskifræðin er hinsvegar langt frá því að geta talist vísindi, samkvæmt alþjóðlegri skilgreiningu á því hvað vísindi eru per se. Hafró hefur komist upp með það í gegn um árin að horfa ekki á heildina, horfa ekki heildstætt á lífríki hafsins, líffræðilegan breytileika af völdum loftslagsbreytileika og þar með hitastigi hafs og hafstrauma o.s.frv. - Verði því fyrirkomulagi komið á, að bjóða veiðiheimildir á Íslandsmiðum til leigu til skamms tíma, eins og flest skynsamt fólk hefur lagt til, þarf að bjóða þær út á EES svæðinu til þess að íslenska útgerðarmafían geti ekki skammtað sér verðið. Samhliða þarf að breyta veiðstjórnunarstefnunni í átt til þess sem dr. Jón Kristjánsson hefur löngum lagt til og virðist t.d. ástand stofna í Barentshafi styðja réttmæti kenninga hans.  

Bótólfr (IP-tala skráð) 25.9.2010 kl. 16:16

9 Smámynd: Jón Kristjánsson

Tímabært Sigurjón að taka aðkeypta háskólagengið í gegn. 

Gaman að lesa um hina gömlu ofveiði: Ég tók sama upplýsingar um aflabrögð á Íslandi þegar einungis var sótt á miðin úr fjörunum:

http://fiski.blog.is/blog/fiski/entry/1099082/#comments 

Jón Kristjánsson, 25.9.2010 kl. 19:12

10 Smámynd: Árni Gunnarsson

Jón. Vísindamennirnir svonefndir hjá Hafró og sendimenn LÍÚ á Alþingi eru búnir að heilaþvo kynslóðina sem þekkir ekki útgerð og fiskvinnslu.

Nú eru þeir liklega hólpnir og geta bullað hvað sem þeim sýnist og jafnvel upp úr svefni. Þeir munu ná áheyrn háskólakrakkanna þegar þeir missa æpódið út úr eyrunum.

Árni Gunnarsson, 25.9.2010 kl. 22:50

11 Smámynd: Kolbrún Stefánsdóttir

Sammála Árna að það er búið að þvæla þvílíkt um kvótakerfið að fólk er hætt að skilja það.

Heilaþvottur og hártoganir hafa leitt athygli frá þeirri spillingu og þeirri eignatilfærslu sem framsalið fól í sér og er upphaf að því sem fólk býr við í dag.

Nú finnst mér reyndar fleiri og fleiri tala um þetta í pólitíkinni en áður en betur má ef duga skal og Jón Bjarnason er bara nokkuð góður karlinn .

Kveðja Kolla.

Kolbrún Stefánsdóttir, 25.9.2010 kl. 23:43

12 Smámynd: Óskar Þorkelsson

Nú finnst mér reyndar fleiri og fleiri tala um þetta í pólitíkinni en áður en betur má ef duga skal og Jón Bjarnason er bara nokkuð góður karlinn

JB er duglaus afturhaldseggur af verstu gerð og gerir mun meiri skaða fyrir íslenskan almening en gagn !

NEI Kolla

Óskar Þorkelsson, 26.9.2010 kl. 09:19

13 Smámynd: Kolbrún Stefánsdóttir

Hahahah hvaða, hvaða... hann þorir þó að gera eitthvað ekki satt. Hann kemur auðvitað ekki í staðinn fyrir hann Guðjón fyrrum formann Frjálslyndra en hann reynir sitt besta karl greyið.  Þegar Frjálslyndir voru flokkur og eitthvað heyrðist í þeim , þá voru þeir eina fólkið sem nennti að tala um helvítis kvótann. Nú eru Jón og reyndar Ólína Þ eitthvað farin að nefna hann. Það var nú það sem ég átti við. Kveðja Kolla.

Kolbrún Stefánsdóttir, 26.9.2010 kl. 10:11

14 Smámynd: Óskar Þorkelsson

svo skv þínum rökum Kolla þá er nóg að ráðamenn geri EIITHVAÐ til að ná status sem góðir og þarfir ?

Ég geri þær kröfur tilráðamanna að þeir geri eitthvað af VITI.

það er illa fyrir landinu komið ef menn eins og JB eru orðnar hetjur..

Óskar Þorkelsson, 26.9.2010 kl. 10:14

15 Smámynd: Kolbrún Stefánsdóttir

Já það má svosem segja að eftir því sem ráðamenn gera minn verður maður þess fegnari ef einhver gerir eitthvað. Það er þó vonarglæta á að það fari að komast hreyfing á hlutina.

Ég er nefnilega ekki þessi karakter sem stendur og æpir á torgum í mótmælagöngum og óeirðum. Mér finnst meira um vert að bjóða mig fram til verka sem mér finnst nauðsynlegt að taka á. Þeir sem vilja það ekki gera sér þá hitt að góðu.

Þeir sem komu þessari ríkisstjórn á koppinn hljóta að vera ánægðir með útkomuna og kjósa það sama aftur því ekki voru þetta nýir menn í pólitík heldur alveg ljóst hvernig þeir hafa unnið. Það hefur ekkert breyst og stóð ekki til. Stoppa núna  alveg að missa mig í pólitíska umræðu . kveðja Kolla

Kolbrún Stefánsdóttir, 26.9.2010 kl. 10:31

16 Smámynd: Árni Gunnarsson

Kolla: Íhugaðu vandlega þessa síðustu ályktun þína. Vissulega áttu fullt erindi inn í pólitíska umræðu en þar ertu fyrr en þig varir komin í þann vítahring sem erfitt er að komast út úr. Fá dæmi um að fólk hafi komist þaðan óskemmt til frambúðar.

Kveðja.

Árni Gunnarsson, 26.9.2010 kl. 12:26

17 Smámynd: Kolbrún Stefánsdóttir

Takk fyrir umhyggjuna Árni. Ég er bara að benda á ábyrgð kjósenda og hvað fólk er ginkeypt fyrir skyndilausnum og loforðum um gull og græna skóga.

Ég hef svosem fengið blod på tanden en slapp fyrir horn ,, ósködduð skulum við segja  kveðja Kolla.

Kolbrún Stefánsdóttir, 27.9.2010 kl. 20:16

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband