Framboðslisti Frjálslyndra og óháðra í Skagafirði

Frjálslyndir og óháðir í Skagafirði bjóða fram krafta sína til að stjórna Sveitarfélaginu Skagafirði næstu fjögur árin.  Ekki er vanþörf á því að leysa Fjórflokkinn í Skagafirði af hólmi sem hefur sameinast um algerlega óábyrga skuldasöfnun.  Frjálslyndir munu forgangsraða af skynsemi og standa vörð um störf og verja grunnþjónustuna. Frjálslyndir í  Skagafirði munu beita sér fyrir innlendum innkaupum á vöru og þjónustu, til þess að efla íslenskt atvinnulíf.

Frjálslyndi flokkurinn hefur þá sérstöðu að hafa haft opið bókhald frá upphafi og er laus við fjárstyrki og sem draga heiðarleika hans í efa.  Frjálslyndi flokkurinn hefur ávallt staðið vörð um hagsmuni almennings í stað þröngra sérhagsmunahópa.

Framboðslisti Frjálslyndra og óháðra í Skagafirði:

1.         Sigurjón Þórðarson, líffræðingur.

2.         Hrefna Gerður Björnsdóttir, lögfræðingur.

3.         Ingvar Björn Ingimundarson,  nemi.

4.         M. Dögg Jónsdóttir, framhaldsskólakennari.

5.         Oddur Valsson, nemi.

6.         Guðný Kjartansdóttir, verslunarstjóri.

7.         Pálmi Sighvatz, bólstrari.

8.         Jón Ingi Halldórsson bifreiðastjóri.

9.         Gréta Dröfn Jónsdóttir,  húsmóðir.

10.       Guðbrandur Guðbrandsson, tónlistarkennari.

11.       Hafdís Elfa Ingimarsdóttir heilbrigðisstarfsmaður.

12.       Þórður G. Ingvason, athafnamaður.

13.       Ágústa Sigurbjörg Ingólfsdóttir, húsmóðir.

14.       Árni Björn Björnsson, veitingamaður.

15.       Benedikt Sigurðsson, útgefandi.

16.       Hans Birgir Friðriksson, veiðimaður.

17.       Hanna Þrúður Þórðardóttir, framkvæmdastjóri.

18.       Marin Sorinel Lazar, tónlistarkennari.

Athugasemdir

[JR (IP-tala skráð) 7.5.2010 kl. 20:06]

Sigurjón.

Ekki það að ég ætli að hafa skoðun á þessum lista, þá er það skoðun mín að þið sem hafið verið í þessum flokki skoðið að breyta !

Jú, það er allt neikvætt um ykkur !

Bara góð ábending !

[Helga Þórðardóttir, 7.5.2010 kl. 21:41]

Flott fólk á listanum. Til hamingju með þetta. Það verður eitt allsherjar partý hjá okkur Frjálslyndum í Reykjavík annað kvöld svona til að hefja kosningabaráttuna á skemmtilegu nótunum. Allir Frjálslyndir og vinir velkomnir.  Kíkið inn á xf.is

[Árni Gunnarsson, 7.5.2010 kl. 22:15]

Það er nú alveg ástæða til að taka það alvarlega þegar maður sem ekki ætlar að hafa "skoðun" á þessum lista hefur þá "skoðun" að þið sem eruð í þessum flokki "skoðið" að breyta!

Er ekki almennilega runnið af öllum eftir Sæluvikuna?

En mér líst prýðilega á þennan lista og spái honum velgengni.

Til hamingju!

[Þórður Áskell Magnússon (IP-tala skráð) 7.5.2010 kl. 22:44]

Sæll Sigurjón og til hamingju með listann. 

Ég tek undir með JR, ég hef alls ekki skoðun  á listanum aðra en þá að þið skoðið að breyta þó sérstaklega því sem þið skoðið að breyta.  Þó ekki hinu.  Þannig getið þið fengið jákvæða umræðu, nema kannski og þó.

Bestu kveðjur að vestan 

[Ásthildur Cesil Þórðardóttir, 8.5.2010 kl. 17:19]

´ska ykkur til hamingju með framtakið, áfram Frjálsyndir.

[Sigurgeir Jónsson, 9.5.2010 kl. 12:11]

Það er ánægjulegt að gamli kaupfélags og ungmennafélagsandinn skuli nú rísa upp og það í Frjálslyndaflokknum." með innlendum innkaupum á vöru og þjónustu". Þetta eru mikil tíðindi. Endurreisn SÍS með aðsetur á Sauðárkróki og innflutnings og útflutningshafnir á Norður og Austurlandi er fyllilega raunhæf hugmynd, með því trausta fiskveiðistjórnunarkerfi sem við höfum nú.

[Sigurjón Þórðarson, 9.5.2010 kl. 12:40]

Ég þakka góðar óskir Helga, Árni, Þórður Ásthildur og Sigurgeir.

[Sigurður Þórðarson, 11.5.2010 kl. 11:27]

Fattarinn minn nær hvorki upp eða niður í þá vídd sem meint  "góð ábending" frá JR kann að vera á. Ef til vill eru þetta mikilvæg skilaboð að handan og þá ætti ég að spyrja Þórð frænda.

En að öllu gamni slepptu þá sé ég ekki betur en listinn sé sikaður vönduðu fólki hvort heldur hann er lesinn að ofan eða neðan.

Gangi ykkur vel!